21 ka mga suspetsado sikop sa Simultaneous Anti-Criminality Law Enforcement Operations
SAN JOSE, Dinagat Islands - Lain nga kalampusan na usab ang naangkon sa kapulisan sa Dinagat Islands Police Provincial Office (DIPPO) batok sa illegal logging, smuggling, ilegal nga pag pangisda ug kampanya batok sa loose firearms pinaagi sa gipahigayon nga region-wide Simultaneuos Anti-Criminality Law Enforcement Operations (SACLEO) gikan sa May 30-31, 2025 ubos sa pagpanguna ni PCol. Jerome A. Dela Cruz, provincial director.
Ang operasyon nga gihimo sa Dinagat Islands PPO mi resulta sa pagka sikop sa 21 ka mga indibidwal. Sa 21 nga nasikop niini adunay 19 ka indibidwal ang nasikop batok sa ilegal nga pag pangisda, isa ka indibidwal sa smuggling, isa ka indibidwal sa illegal logging ug ang boluntaryong pag surrender sa duha ka indibidwal sa ilang armas.
“Ang usa ka luwas nga komunidad gitukod sa pundasyon sa pagsalig ug pagtinabangay. Magmabinantayon, abtik, ug maloloy-on sa atong pagpaningkamot nga mapabilin ang Dinagat Islands nga luwas sa mga krimen. Mag-uban kita sa aron masiguro nga ang atong panimalay magpabilin nga santuwaryo sa kalinaw ug kalinaw alang sa umaabot nga mga henerasyon,” matud ni PCol. Dela Cruz. (DIPPO/PIA Dinagat Islands)
