Classroom building, itukod sa Sitio Matingue
DAKBAYAN SA BUTUAN -- Gikatakda na ang pagpirma ni Governor Ma. Angelica Rosedell M. Amante sa Inter-Local Agency Partnership (ILAP) tali sa kagamhanang probinsyal sa Agusan del Norte, LGU Santiago, ug Philippine Army pinaagi sa 52nd Engineer Brigade ug 901st Infantry Brigade alang sa pagtukod sa 1-storey, 4-classroom school building sa Sitio Matingue, Barangay Poblacion, Santiago.
Ang ILAP suporta sa Executive No. 70 nga mao ang whole-of-nation approach sa gobyerno sa tumong nga maundang ang lokal nga communist armed conflict sa Mindanao.
Dako og tabang matod pa ang maong proyekto isip tubag sa pagtaas sa papolasyon sa mga studyante sa lugar.
Ang maong lakang gipalabang pinaagi sa Sangguning Panlalawigan Resolution No.082-2025 sa pagpaningkamot ni Bokal Dick Victor B. Carmona, tsirman sa Committee on Public Works, inabagan nila ni Bokal Ryan Jade D. Lim ug Bokal Rodulfo A. Pitogo kaniadtong Pebrero 25, 2025 sa ika-120 sesyon regular. (Ramil L. Pasco, PLGU Agusan del Norte/PIA Agusan del Norte)
