6

(PAGASA 24-HOUR PUBLIC WEATHER FORECAST as of Saturday, 14 November 2026) "Northeast Monsoon affecting Northern Luzon. Easterlies affecting the rest of the country. TC Information TROPICAL CYCLONE OUTSIDE PAR AS OF 3:00 AM TODAY TROPICAL DEPRESSION LOCATION: 3,145 KM EAST OF CENTRAL LUZON (16.4°N, 151.6°E) MAXIMUM SUSTAINED WINDS: 45 KM/H NEAR THE CENTER GUSTINESS: UP TO 55 KM/H MOVEMENT: WESTWARD AT 30 KM/H" Easterlies ang makaapekto sa tibook rehiyon sa Caraga.


Monday, 30 December 2024

Dinagat Islands' Disaster Resilience Day cum STY Odette Commemoration, nagmalampuson

DINAGAT ISLANDS - Agi'g hinumdum sa mga kaagi sa lumulupyo sa probinsya sa Dinagat Islands sa panahon nga nasinati ang category/Signal # 5 Super Typhoon Odette niadtong Disyembre 16, 2021, nagmalampuson nga gipahigayon niadtong  Disyembre 16 ang ika-tulong tuig nga anibersaryo sabay sa pagsaulog sa Dinagat Islands' Disaster Resilience Day nga gipahigayon ngadto sa Provincial Operation Center, Sta. Cruz, San Jose, Dinagat Islands.

Aduna kini tema nga "Learning From Typhoon Odette's Experiences, Fostering Hope And Tenacity, Instilling A Mindset Of Resilience And Sustainability For Future-Proofed Dinagatnon Generations," diin gisugdan ang maong kalihukan pinaagi sa usa ka misa nga gipangunahan ni Rev. Fr.Joseph S.. Cantilado, DCS.

Dugang pa niini ang madasigong pakigduyog sa mga kabatan-onon sa kada munisipyo sa gipahigayon Disaster Recovery & Resilience Memory Book and Tribute Video Competition, diin ang musunod mao ang namahimong mananaog.

• Memory Book Competition:

1st - Mun. of Tubajon (P10,000)

2nd - Mun. of Dinagat (P7,000)

3rd - Mun. of San Jose (P4,000)

2 consolation prizes (P1,500)

• Tribute Video Competition:

1st - Mun. of Tubajon (P13,000)

2nd - Mun. of San Jose (P9,000)

3rd - Mun. of Dinagat (P6,000)

5 consolation prizes (P1,500)

Kini nga adlaw nagsilbi nga usa ka pahinumdom sa mga kinabuhi nga nawala ug mga pakigbisog nga giantos, apan kini usa usab ka pagsaulog sa pag-uswag nga nabuhat. Nagpahinumdom kini kung unsa kamahinungdanon ang pagpangandam sa kalamidad, panaghiusa sa komunidad, ug malungtarong mga paningkamot. Kini natawo usab pinaagi sa hiniusang paningkamot sa mga nagdumala sa gobyerno, non-government organizations, ug indibidwal, diin nagpadayon sa pagtukod pag-usab nga mas lig-on, mas maayo, ug mas andam alang sa mga hagit sa umaabot.

Atol niini nga kalihukan ana ang presensya sa mga nagkadaiyang personahe gikan sa nagkalain-laing departamento ug ahensya sa probinsya sama nila Attorney Niel Edward M. Demerey, Assistant Provincial Administrator Conchita Macalua, Board Member Ali P. Adlawan, Board Member Gwendolyn Ecleo-Pols, kauban ng mga personahe gikan sa buhatan sa DIPPO, BFP, PCG, DILG, DOST, DENR, DOLE, DTI, CSOs, ug uban pa. (Lorense Mae Nidea, PIO PDI/PIA-Dinagat Islands)