LGU - Tubajon nagpahigayon og career guidance sa mga estudyante
DINAGAT, Dinagat Islands - Ang municipal government sa Tubajon sa probinsya sa Dinagat Islands pinaagi sa Public Employment Service Office (PESO), Municipal Health Office (MHO), ug Municipal Population Office (MPO) ug sa pakigtambayayong sa Philippine National Police (PNP), Barangay Local Government Unit sa Mabini, Provincial PESO, ug Trinidad Mapa Gupana National High School (TMGNHS), nagpahigayon og career guidance ug employment coaching session, anti-illegal drugs campaign, ug adolescent health and youth development program niadtong 26 April.
Ang mga partisipante sa kalihokan ang Grade 9 hangtod 12 nga mga
estudyante gikan sa maong eskwelahan. Pinaagi sa mga sesyon, nakakuha sila ug
dugang kahibalo bahin sa pagpalapad sa ilang mga oportunidad sa umaabot pinaagi
sa nahibal-an nga paghimo og desisyon samtang gisiguro nga sila himsog ug luwas
gikan sa mga peligro sa iligal nga droga.
Ang mga speaker atol sa maong aktibidad mao sila Municipal PESO Manager Vincy Lasco, Sangguniang Bayan member Samson Tidalgo, Jessabeth Enoviso sa MHO, Alfe Ejena sa MPO, Head Teacher Jocelyn Jamera sa TMGNHS, Barangay Kagawad ug Committee on Education Chairperson Rebecca Enoviso, provincial PESO Manager Lucy Galabo, ug Sergeant Joema Ganza sa PNP. (MIO-Tubajon/PIA-Dinagat Islands)
