(PAGASA 24-HOUR PUBLIC WEATHER FORECAST as of Monday, 14 July 2025) The Southwest Monsoon (Habagat) continues to affect Mindanao. FORECAST: The Zamboanga Peninsula will experience cloudy skies with scattered rain showers and thunderstorms due to the Southwest Monsoon. These conditions may lead to possible flash floods or landslides, especially during moderate to occasionally heavy rainfall. The rest of Mindanao will have partly cloudy to cloudy skies with isolated rain showers or thunderstorms also influenced by the Southwest Monsoon. Winds will be light to moderate from the southwest, with slight to moderate seas (wave height between 0.6 to 2.1 meters).


Wednesday, 8 May 2024

2024 Division Festivals of Talents, nagmalampuson

DINAGAT, Dinagat Islands - Gamit ang kahiusahan sa panghunahuna ug tinago nga kahanas o kahibalo sa ilang tagsa-tagsa ka natad o larang, gipakita sa mga studyante gikan sa managlahing tunghaan sa unom ka munisipyo sa probinsya ang ilang kahibalo sa nagkalain-laing patimpalak sa gipahigayon nga 2024 Division Festival of Talents didto sa Don Ruben Edera Ecleo Sr. Memorial National High School (DREESMNHS), Brgy. Don Ruben, San Jose, sakop ning probinsya.

Ang Department of Education - Dinagat Islands Division nga gipangunahan ni OIC-Schools Division Superintendent Florence E. Almaden, CESO IV, sa pakigtambayayong sa Provincial Government of Dinagat Islands ilawom sa pagdumala ni Governor Nilo P. Demerey, Jr., MPM, pinaagi sa Provincial Tourism and Culture Office (PTCO) sa pagpanguna ni PTC Officer Benlen D. Navas, MPA, malampuson nga miselebrar sa National Heritage Month ug mipahigayon sa Division Festival of Talents kon DFOT diin gipasundayag sa mga estudyante ang ilang mga abilidad ug talento pinaagi sa pagpinta, pagsulat ug pagsayaw.

Ang mga nahimong kompetisyon mao ang Bayle sa Kalye, Pintahusay ug Sulatanghalan diin otso ka participating district ang naglaban-laban aron makuha ang titulo kini mao ang; Albor 1, Albor 2, Cagdianao East, Cagdianao West, Loreto, Tubajon, San Jose ug Dinagat District.

Ang mananaog mao ang mosunod;

1. Bayle sa Kalye:

1st : San Jose

2nd : Loreto

3rd : Albor 1

2. Pintahusay:

1st : San Jose

2nd : Tubajon

3rd : Cagdianao East

3. Sulatanghalan:

1st : Albor 2

2nd : Loreto

3rd : San Jose

Gipasidunggan isip overall champion ang San Jose District nga nakakuha og 37 points, 1st place ang Loreto District nga aduna’y 34 points ug 2nd ang Albor 1 nga nakakuha og 16 points.

Ang maong aktibidad gitambungan kini sa mga kadagkoan sa DepEd-Dinagat Islands sa pagpanguna ni OIC - Assistant Schools Division Superintendent Bryan L. Arreo, CESE, Supervisor - Curriculum Implementation Division (CID) Dr. Lope C. Papeleras, PTC Officer Benlen D. Navas, MPA, Education Program Supervisor - MAPEH Juan Jr. Espina ug mga school principals ug coaches sa mga partisipante gikan sa nagkalain-laing district schools sa probinsya.

Malipayon nga gidawat sa mga estudyante ang certificate, medal ug cash prize isip bunga sa kahago ug paningkamot sa gipahigayon nga 2024 Division Festival of Talents (DFOT). (PIO-PDI/PIA-Dinagat Islands)