(PAGASA 24-HOUR PUBLIC WEATHER FORECAST as of Wednesday, 24 April 2024) Easterlies affecting the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies/Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Southeast will prevail with slight to moderate seas (0.6 to 2.1 meters).

Thursday, 4 April 2024

Outstanding farmers, fisherfolk sa AgNor, pasidunggan

Bokal Erwin L. Dano

DAKBAYAN SA BUTUAN -- Hatagan na’g pasidungog ang mga mag-uuma ug mangingisda ning probinsya sa Agusan del Norte human gi-aprobahan sa Sangguniang Panlalawigan ang Provincial Ordinance No. 696-2024 o ang Search for Outstanding Farmers and Fisherfolk of Agusan del Norte.

Tumong sa maong ordinansa nga gipangamahanan ni Bokal Erwin L. Dano nga maila ang mga mag-uuma ug mangingisda sa ilang exemplary performance sa matang sa agrikultura. Kini usab aron madasig ug padayon ang ilang partisipasyon sa mga agricultural programs sa gobyerno. 

Ang proseso sa pagpili pangunahan sa buhatan sa Provincial Agriculture Office uban sa pakigtimbayayong sa City/Municipal Agricultural Office aron sa pag- evaluate ug pag-validate sa mga nominado sa maong indigay. 

Ang nominado gikinahanglan nag-edad 31 pataas, ug 18 hangtud 30 alang sa mga young farmers; adunay agriculture ug fishery experience (formal or non-formal education); nagdumala sa pagpananom nga dili molapas sa lima ka ektarya ug adunay proof of records o dokumento kabahin sa mga expenses ug income sulod sa upat ka cropping season ug rekord sa kataposang duha ka tuig sa mga prutas ug high value crops sa wala pa gipahigayon ang ebalwasyon.

Makadawat og cash award ug tropiyo ang mga modaog diin ang ilang mga best practices ug strategies nga gi-implementar sa ilang lugar mamahimo’ng sumbanan sa kauban nila’ng mga mag-uuma ug mangingisda.

Matag bulan sa Mayo ang awarding ceremony atol sa tinuig nga selebrasyon sa Farmers ug Fisherfolk Month.

Kini nga ordinansa gipangamahanan usab nila ni Bokal Rodulfo A. Pitogo ug Francisco Y. Chan, Jr. isip mga miyembro sa Committee on Agriculture, usa sa mga prayoridad ni Gob. Angel Amante ubos sa iyang administrasyon nga nahilakip sa Executive-Legislative Agenda (ELA) sa probinsya. (SVdeligero, PLGU-Agusan del Norte/PIA-Agusan del Norte)