(PAGASA 24-HOUR PUBLIC WEATHER FORECAST as of Thursday, 18 April 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rain showers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).

Thursday, 4 April 2024

PWD sa Las Nieves makadawat na ug educational aid

DAKBAYAN SA BUTUAN -- Maayong balita alang sa mga persons with disabilities (PWD) sa lungsod sa Las Nieves, tungod kay makadawat na sila og educational assistance gikan sa local government unit (LGU) sa Las Nieves, Agusan del Norte.

Kini ang unod sa Municipal Ordinance No. 603-2024 sa pagpanginahan ni SB member Jessica H. Navarosa. Ang tumong sa paghatag og educational assistance ngadto sa mga PWDs para makapadayon sila sa primary secondary, tertiary, post-tertiary ingon man ang vocational o technical nga edukasyon sa publiko ug pribadong eskwelahan ug technical vocational nga institusyon.

Ubos sa Seksyon 5, ang tabang pinansiyal mao ang mosunod:

a.) College - 1st year – 4th year- P3,600; b.) Technical vocational course-P3,600; c.) Grade 11-12 - P3,000; d.) Grade 7-10 - P2,300; e.) Grade 1-6 - P2,000; f.) Day care/kindergarten - P400; g.) Special education - P1,800 ug h.) Alternative learning system - P1,800.

Aron mo-qualify sa maong educational assistance, ang PWD gikinahanglang residente sa maong munisipyo sulod sa unom ka bulan, adunay PWD issued ID, certification of enrolment sa eskwelahan, rehistro sa Philippine Registry for Persons with Disabilities (online registry) ug Certificate of non-school gikan sa PDAD. 

Ang nasangpit nga ordinansa aprobado na sa Sangguniang Panlalawigan pinaagi sa Sanggunian Resolution No. 154-2024 sa rekomindasyon sa Committee on Education and Culture ug Committee on Social Welfare, Population Development sa pagpanguna ni Board Members Rodulfo A. Pitogo ug Larry F. Bautista, uban ang mga co-authors sila James T. Reserva, Erwin L. Dano ug Inez Rosario A. Amante. (Jessica O. Mellejor, PLGU-Agusan del Norte/PIA-Agusan del Norte)