Kapin P4.8M nga ayuda, nadawat sa mga pamilyang nabahaan sa Las Nieves
LAS NIEVES, Agusan del Norte -- Mokabat sa 1,208 ka mga benepisyaryo ang nahatagan og ayuda kaniadtong Pebrero 16, sa gipahigayon nga pagpang-apud-apod sa cash assistance gikan sa buhatan ni Agusan del Norte 1st District Representative Jose “Joboy” S. Aquino II.
Ang kapin libo nga mga benepisyaryo mao ang mga pamilya nga nabahaan tungod sa nasinating pag-ulan dinala sa trough of low pressure area.
Ang matag pamilya nakadawat og P4,000 nga ayuda ubos sa Ayuda para sa Kapos ang Kita (AKAP) Program sa Department of Social Welfare and Development (DSWD).
Ang pagpang-apud-apod gipangunahan sa mga personahe sa DSWD Caraga Regional Office ubos sa pagdumala ni Dir. Mari-Flor A. Dollaga-Libang.
Mitambong sa pagpanghatag isip representante sa kongresista nga sila Atty. William Christian P. Dela Cruz ug Jay Rivero.
Misuporta usab sa aktibidad isip representante ni Mayor Karen S. Rosales, si Vice Mayor Virgilio R. EscasiΓ±as Jr., kauban ang mga miembro sa 19th Sangguniang Bayan. (MIO, Las Nieves/PIA Agusan del Norte)
