(PAGASA 24-HOUR PUBLIC WEATHER FORECAST as of Saturday, 13 April 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rain showers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).


Wednesday, 21 February 2024

60-hektaryang luna sa Prosperidad gideklarang usa ka economic zone

PROBINSYA SA AGUSAN DEL SUR -- Kalipay ang gibati sa mga opisyales sa lungsod sa Prosperidad, Agusan del Sur human nga nadeklarang econimic zone ang usa ka luna nga sakop sa ilang lungsod ug personal kini nga gibisita sa usa ka taas nga opisyal sa Philippine Economic Zone Authority (PEZA) kauban ang tulo ka mga langyaw nga kapitalista atol sa gipahigayon nga ground breaking ceremony didto sa Purok 1, Barangay Sta. Irene sa nasangpit nga lugar niadtong Pebrero 6.

Una nga mitahan sa opisina ni Governor Santiago B. Cane, Jr. sila Undersecretary Tereso O. Panga, PEZA director general, mga foreign investor nga sila si Lee Ching Hong, CEO-Sunbo Holdings, Singapore ug Koo Seng Thiam, managing director sa Sunbo Holdongs, ug si Wilson Ye, managing director sa Danapac ug mga opisyales sa Prosperidad nga gipangunahan ni Mayor Eric Melanie, kauban si Vice Mayor Nanoy Ronquillo ug mga Sangguniang Bayan member aron sa pagpahigayon og courtesy call sa gobernor.

Dayon nga gibisita sa grupo ang gi-propose nga Solar Farm nga mikabat sa 103 hektarya nga sakop sa Barangay Salvacion sa maong lungsod usa kini mideretso sa Brgy. Sta. Irene alang sa gikatakdang ground breaking ceremony.

Ang maong seremonyas gitambongan ni Usec. Panga, mga opisyales sa lungsod ug mga piling kawani sa nagkadaiyang ahensiya sa lungsod ug probinsiya lakip ang tulo ka mga langyaw nga kapitalista.

"Mikabat ni sa 60 hektarya ang nasakop aning nadeklarang economic zone ug kini mamahimong usa ka agricultural tourist destination sa lungsod," sigon ni Mayor Mellana.  

"Tungod niini, mamahimong modaghan ang mga kapitalista nga mo-anhi dinhi sa atong lugar ug magpundar sa ilang negosyo magtukod og mga planta, makahatag kini og trabaho sa katawhan dili lang diri sa atong lungsod lakip sa tibuok probinsiya," dugang pa ni Mellana.

Mipadayag sa iyang kalipay ug pasalamat ang mayor ngadto sa mga nagpaluyo sa kalamposan niini ilabi na ngadto sa ahensiya sa PEZA, "tungod niini mahimong mas mogamay pa ang ihap sa walay trabaho ug dako kaayo ni og tabang aron mas molambo pa ang atong lungsod," dugang sa mayor.

Nagpakita usab sa ilang interest nga mokapital sa maong lugar ang tulo ka mga foreign investor nga kauban ni Usec. Panga nga nagplanong motukod og usa ka planta nga makahimo sa biodegradable plastic.

Ang ahensiya sa PEZA usab andam nga motabang sa pagrekomendar sa mga lugar nga gideklarang economic zone ngadto sa mga kapitalista.

"Kami sa PEZA, motabang sab mi pag-recommend sa inyong dapit ug pag-agni sa mga langyaw nga kapitalista nga buot mangapital dinhi sa atong nasud," sigon ni Panga.

"Gani, dunay mga Japanesse Investor ang gustong mobisita dinhi sa inyung lugar aron sa pagsuta tungod naa silay plano nga mo-invest. Siguro karong umaabot nga Marso ning tuiga makabisita sila dinhi," dugang pahayag ni Panga. (π˜™π˜°π˜―π˜’π˜­π˜₯ 𝘚. π˜•π˜°π˜΅π˜’π˜³π˜ͺ𝘰𝘯 / π˜—π˜ˆπ˜”π˜™π˜Œ-π˜—π˜—π˜π˜–-π˜ˆπ˜‹π˜š/PIA-Agusan del Sur)