(PAGASA 24-HOUR PUBLIC WEATHER FORECAST as of Tuesday, 18 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).

Friday, January 12, 2024

Rehistro sibil, mas gipasabot sa mga barangay officials

LAS NIEVES, Agusan del Norte -- Gibansay kabahin sa rehistro sibil (civil registration) ang mga punong barangay og sekretarya ning lungsod sa Las Nieves kaniadtong Enero 9, sa SB session hall, 2nd Floor, Las Nieves municipal government building. 

Gipasabot sa ilaha kung unsa ang rehistro sibil og kung unsa kini ka importante lakip na ang pagparehistro sa pagkatawo (birth registration). 

Gitudloan usab sila sa mga legal nga proseso sa pagparehistro sa pagkatawo, ang mga rekisitos niini, og gipasabot sila sa mga detalye nga nahisulod sa birth certificate form. Gihisgutan usab ang legal nga kalambigitan sa mga barangay diha sa rehistro sibil. Nakakantar sa Rule 6 of Administrative Order No. 1 S. 1993 kon Implementing Rules and Regulations of Act No. 3753 and other Laws on Civil Registration, nga ang sekretarya sa barangay motabang sa civil registrar diha sa pagrehistro sa tawo, patay, og kasal nga nahitabo sa iyang hurisdiksyon.

Dugang ni Teresita K. Valdehueza, usa sa mga resource speaker sa maong pagbansay og kasamtangan nga Municipal Civil Registrar (MCR) sa Buenavista, Agusan del Norte, nga ang punong barangay adunay dakong tahas diha sa paghatag og dekalidad nga mga civil registry document.

"Ang authority sa punong barangay dako kaayo og impact sa opisina sa civil registrar, mao nga siguraduha ninyo nga insakto ang inyong pinirmahan nga mga certification," matud pa ni Valdehueza. 

Mitambong sa maong pagbansay si Sangguniang Bayan member Avelina S. Rosales. Iyang gipasalamatan ang pagpahigayun sa maong aktibidad kay makahatag kini og dugang kaalam sa mga punong barangay og barangay secretary.

"Mga punong barangay, sugod pa lang kini sa mas daghan pa ninyo nga responsibilidad isip lideres sa inyong barangay," sumala pa ni Rosales.

Mipadangat usab ang mga partisipante sa ilang pagpasalamat ngadto sa mga resource speaker sanglit natubag ang ilang mga pangutana kabahin sa proseso sa pagparehistro.

Nagmalampuson ang gipahigayun nga pagbansay ubos sa pagdumala sa opisina sa Local Civil Registrar sa pagpanguna ni OIC-MCR Gerardo B. Beluan. (MPIO-Las Nieves, Agusan del Norte/PIA-Agusan del Norte)