(PAGASA 24-HOUR PUBLIC WEATHER FORECAST as of Saturday, 30 August 2025) At 3:00 AM today, the Low Pressure Area (LPA) was estimated based on all available data at 435 km West of Sangley Pt, Cavite City, Cavite (14.1°N, 116.9°E). Southwest Monsoon affecting Southern Luzon, Visayas, and Mindanao. π—”π—™π—™π—˜π—–π—§π—œπ—‘π—š π—ͺπ—˜π—”π—§π—›π—˜π—₯ π—¦π—¬π—¦π—§π—˜π— : Southwest Monsoon ang makaapekto sa rehiyon sa Caraga.


Wednesday, 15 November 2023

Kaayuhan sa mga kabatan-onan, prioridad sa LGU-Sibagat 

BUTUAN CITY -- Human sa piniliay sa bag-ong ipisyales sa Sangguniang Kabataan (SK) Federation sulod sa Sibagat Center for Culture and Arts, sunod nga gipahigayon ang ceremonial turnover isip pagpasalamat sa mga miaging kabatan-onang opisyales ug pag-welcome ngadto sa mga bag-ong piniling lider. 

Mihatag og mensaheng pagpasalamat ug suporta si kanhing SK Federation President Anna Mae Redulla ug mipadayag sa mga accomplishments nga nakab-ot sugod sa tuig 2018 hangtod 2023. 

Matud niya, angay nga suportaan gayud ang mga kabatan-onan sa Sibagat tungod kay nakita niya ang potensyal hilabi na sa mga active youth organization nga maoy mitabang kanila sa pagpalambo sa mga kabatan-onan. 

Malipayong gidawat ni Marson Clifford Van Acero ang maong key of responsibility ug ang libro sa Local Youth Development Plan (LYDP) sugod 2023 hangtod 2025 nga maoy tamuran niya sa tanang mga proyekto, programa, ug aktibidad sa SK. 

Mihatag usab og pagdasig si LYDO-designate Catherine Chee sa tanan SKs nga maoy mulingkod sa hawanan sa LYDC. 

Kasamtangang si Acero ang mupuli kay Dadap isip LYDC chairperson. (Sibagat Angat/PIA-Agusan del Sur)