Andam na ang 60 ektaryas nga tamnan ug kape sa Cabadbaran
DAKBAYAN SA BUTUAN -- Nahuman na ang 10 ka adlaw nga Land Preparation Training sa mga sakop sa Puting Bato Sectoral Tribal Multi-Purpose Association sa Cabadbaran City, ug andam na sila sa pagpalapad sa tamnan sa ilang kayutaan.
Daan na nga naghangyo sa miaging bulan ang asosasyon nga suportahan kini
pagpatuman sa ilang plano nga motanum og kape sa 60 ektaryas nilang luna ug
kini ang usa sa mga gipangitaan sa buhatan ni Kongresista Dale B. Corvera og
suporta.
Kining maong pagbansay kabahin sa 26 tanan ka batches nga naay 646 ka
indibidwal nga apil sa gipadagan sa Congresssional Disrict Office (CDO) ni
Kongresista Corvera ug buhatan ni Gob. Ma. Angelica Rosedell M. Amante nga
"Pagbansay Ngadto sa Paglambo."
Gipatuman kini pinaagi sa Special Training for Employment Program (STEP)
sa Technical Education and Skills Development Authority (TESDA).
Labing daghan sa mga pagbansay naa sa land preparation og processing, sunod sa nag-unang ekonomikanhong programa sa kongresista, ug sa probinsya nga Plant! Plant! Plant! ug Process! Process! Process! ubos sa kampanya niini sa pagpalambo nga mao ang AGUSAN UP! (John Henry Balansag, Agusan del Norte 2nd Congressional District/PIA-Agusan del Norte)
