91 nakatrabaho sa TUPAD, nakadawat na sa sweldo
DAKBAYAN SA BUTUAN -- Midawat na sa ilang sweldo ang 68 sa Buenavista ug 23 sa Carmen sa probinsya sa Agusan del Norte nga nakatrabaho ubos sa Tulong Panghanapbuhay sa Ating Displaced Workers (TUPAD) sa Department of Labor and Employment (DOLE) nga gipahiluna ni Kongresista Dale B. Corvera.
Misweldo ang matag usa kanila og tag P350 matag adlaw, o P5,250 alang sa 15 ka adlaw nga trabaho.
Apil sa mga gitrabaho sa mga residente mao ang pagpananum og falcatta ug ubang high value crops ug mahinumdoman nga sa mga okasyon nga sama niini kanunay nga gidasig sila ni Kongresista Corvera nga padayong mananum aron mo lapad pa ang mga uma, modaghan ang ani ug sa ngadto-ngadto makapanukad og processing activities nga maoy magmugna ug dugang ug regular nga trabaho unya.
Sumala sa kongresista nga kini ang gisunod nga direksyon sa magkaluhang Plant! Plant! Plant! ug Process! Process! Process! Projects ubos sa AGUSAN UP!, ang kampanya sa pagpalambo nga hiniusang gipursige nila ni Gob. Ma. Angelica Rosedell M. Amante, ug pakusgan pa ang pagpatuman sa mga serbisyo pagsuporta niini sa mosunod nga mga bulan. (Jenny D. Fabian, Agusan del Norte 2nd Congressional District Office/PIA Agusan
