(PAGASA 24-HOUR PUBLIC WEATHER FORECAST as of Thursday, 13 June 2024) Easterlies affecting the eastern sections of Southern Luzon, Visayas, and Mindanao. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southwest to Southeast will prevail with slight to moderate seas (0.6 to 2.1 meters).

Thursday, 19 October 2023

Senior citizens sa Las Nieves, Nasipit makadawat ug cash gift

File photo

DAKBAYAN SA BUTUAN -- Dugang benipisyo’g pabor ang gihanyag para sa mga senior citizens nga lumulupyo sa lungsod sa Nasipit ug Las Nieves sa Agusan del Norte tungod nagpalabang kini og mga balaodnon nga nagtumong sa pag panghatag og cash grants ug hugtanon usab kining gisuportahan sa probinsya. 

Unod sa Municipal Ordinance No. 012, series of 2023 gikan sa lungsod sa Nasipit nga naglayon sa pag ila ug paghatag og mga prebilihiyo sa mga katigulangan nga makatungtong sa 100 anyos kun centenarian pina agi sa centenarian cash gift nga nagkantidad og P100,000. Gikinahanglan lang ipakita ang mga musunod: baptismal cetificate/kopya sa certificate of live birth gikan sa Philippine Statistics Authority (PSA), certificate of residency nga gipamatud an sa punong barangay ug ang senior citizen ID. 

Nakalatid usab dinhi nga mamahimo’ng makadawat ang mga buhi’ng centernarian kaniadtong wala pa namugna ang maong ordinansa. 

Sa laing bahin, nagpalabang usab og Municipal Ordinance No. 587-2023 gikan sa lungsod sa Las Nieves nga nagtumong sa paghatag og cash gift ngadto sa mga seniors nga nag edad og 90-99 anyos . Gitakda kini nga makadawat og kantidad nga P20,000 isip Nonagenarian gift ang hingtungdan. Aron mahimo’ng kwalipikado niini gikinahanglan na magpresentar og mga dokumento sama sa baptismal certificate/certificate of live birth, barangay certifcation nga permado sa punong barangay, rehistrado’ng botante sa maong lungsod, ID card gikan sa Office of the Senior Citizens Affairs (OSCA), ug certification gikan sa Municipla Social Welfare and Development Office (MSWDO) nga nagpamatuod nga siya usa ka aktibo’ng membro sa OSCA.

Subay ang maong mga lakang sa Article XV, section 4 sa 1987 Constitution nga nagmando sa matag panimalay sa paghatag og bili ug amoma sa mga katigulangan ug ang nasod sa pag mugna og mga programa alang kanila. (RJSE, PLGU-Agusan del Norte/PIA-Agusan del Norte)