(PAGASA 24-HOUR PUBLIC WEATHER FORECAST as of Thursday, 23 May 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).

Thursday, 19 October 2023

Las Nieves nagtanyag ug scholarship programs

DAKBAYAN SA BUTUAN -- Hugtanong gisuportahan sa Sangguniang Panlalawigan ang Municipal Ordinance No. 578-2023 gikan sa lungsod sa Las Nieves sa probinsya sa Agusan del Norte, nga nag tumong sa pag institutionalize sa ilang scholarship program pina agi sa Sanggunian Resolution No. 503-2023.   

Sa maong ordinanasa adunay tulo ka klasi sa scholarship nga mao ang tertiary education program (STEP), indigenous peoples program (SIPP) ug program for post graduate studies.    

Nakalatid usab dinhi ang mga kwalipikasyon aron maka avail niini sama sa rehistrado’ng lumulopyo sa Las Nieves sulod sa duha ka tuig; wala’y lain nga gidawat nga scholarship grants gikan sa munisipyo, government agencies, foundations ug uban pa apan makonsiderar ang academic scholarship gikan sa skwelahan; naka enroll na sa mga kurso nga gi prescribe sa LGU nga gibasi sa mga priority programs sa Commission on Higher Education (CHED) diin ang skwelahan nahimutang dinhi sa probinsya; ug kinahanglan nga usa lamang ka membro sa pamilya ang makapahimulos  niini.

Ang kantidad nga madawat sa mga hingtundan mao ang musunod: STEP mukabat sa P5,000-P10,000 para sa state university/colleges ug P20,000-P40,000 kung private university/college. 

Sa SIPP gikan P25,000-P50,000 alang sa state university/college ug P50,000-P100,000 kung sa private institutions ug ang one-time benefit isip suporta para sa galastuan sa board review ug exam.  Alang sa post graduate studies makadawat og maximum nga kantidad sa P150,000 ang maong scholar  diin human sa pag skwela gi obligar nga mag trabaho usa sa munisipyo isip ganti sa pabor nga nasinati.

Ang mga kurso nga girekomendar mao ang musunod: engineering and technology, architecture and related program, agriculture related program, health profession education, information technology education, business management, food technology, medicine ug law.

Alang sa epektibo’ng pag patuman niini adunay gitakda nga mga maintaining grades aron dili mataktak sa scholarship, sa STEP ug Post Graduate Studies  dapat ma mentinar sa scholar ang 85% nga general weighted average (GWA) ug sa SIPP kinahanglan nga magmaintain og GWA nga 80%.

Tumong niini nga makahatag og opurtunidad sa mga kabatan onan sa Las Nieves aron sa pagkab-ot sa ilang pangandoy sa kinabuhi pina agi sa dekalidad nga edukasyon inubanan sa tabang sa lokal nga panggamhanan ug tagsa tagsa nila’ng ginikanan. (RJSE, PLGU Agusan del Norte, PIA Agusan del Norte)