Trabaho sa disadvantaged workers sa Nasipit, nagsugod na
DAKBAYAN SA BUTUAN -- Nagsugod kaniadtong Lunes ang 44 ka residente sa Nasipit, Agusan del Norte sa ilang trabaho ubos sa Tulong Panghanapbuhay sa Ating Disadvantaged/Displaced Workers (TUPAD) sa Department of Labor and Employment (DOLE), nga gipahiluna ni Kongresista Dale B. Corvera.
Katunga sa mga nakatrabaho mao ang 11 kabook nga indigenous peoples (IPs) nga sakop sa tribung Higaonon sa Sitio Minbahandi, ug laeng 11 kabook sa Sitio Balaatan, tanan sa Barangay Camagong.
Gipunting nga makatanum sa Minbahandi og pito ka ektaryang Falcatta. Laing tulo ka ektarya sa Falcatta usab ang gipunting nga matamnan sa Sitio Balaatan, gawas nga ma- repair ang nursery sa commercial trees nga nagguba aghapak sa Super Bagyong Odette niadtong 2021.
Ipalambo usab sa laing 10 sa nga nakatrabaho ang nursery sa probinsya sa Barangay Kinabjangan. Tutokan nila ang pag-produce og mga seedlings sa abaca aron magamit sa mosunod nga mga pagtanum.
Ang lain pang 12 gi-assign sa munisipyo sa lain pang mga buluhaton sa ubang mga barangay.
Ang mga pagpananum dinhi kabahin sa kampanyang Plant! Plant! Plant ubos
sa AGUSAN UP!, ang kampanya sa pagpalambo nga hiniusang gipursige nika ni
Kongresista Corvera ug Gob. Ma. Angelica Rosedell M. Amante.
Ubos ning maong hugna sa TUPAD makatrabaho ang usa ka benepisyaryo sulod sa 15 ka adlaw sa sweldo nga P350 ang adlaw o P5,250 sulod sa 15 ka adlaw.
Kabahin ang 44 nga nakatrabaho sa Nasipit sa 354 nga nakatravaho sa tibuok segundo distrito sa Agusan del Norte ning maong hugna sa TUPAD ug apil sa kapin sa 4,000 na tanan sukad sa paglingkud sa kongresista kapin sa usa ka tuig na ang milabay. (Agusan del Norte 2nd Congressional District Office/PIA Agusan del Norte)
