(PAGASA 24-HOUR PUBLIC WEATHER FORECAST as of Monday, 08 December 2025) At 3:00 AM today, the center of Tropical Depression "WILMA" was estimated based on all available data in the vicinity of Matuguinao, Samar (12.2°N 125.0°E) with maximum sustained winds of 45 km/h near the center and gustiness of up to 75 km/h. It is moving West Northwestward at 15 km/h. Shear Line affecting the eastern section of Southern Luzon. Northeast Monsoon affecting the rest of Luzon. Mindanao will have partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. Moderate to strong winds from northeast to northwest will prevail over the western sections of Mindanao with moderate to rough seas (1.2 to 3.1 meters). Elsewhere, moderate winds from the northwest to southwest to southeast with moderate seas (1.2 to 2.5 meters).


Monday, May 22, 2023

Paglambo sa sports sa AgNor, giawhag sa kongresista

DAKBAYAN SA BUTUAN -- Gisugdan na sa lungsod sa Tubay kaniadtong Mayo 21 ang usa ka semana nga Open Beach Volleyball Tournament, inisyatiba nga buot ni Kongresista Dale B. Corvera nga suportahan sa mga Agusanon dili lang aron molambo ang nahisgutang sport kon dili apil usab sa mahimong tampo niiini sa paglambo sa turismo ug ekonomiya sa lugar.

Alang kang Kongresista Corvera bag-ong matang sa sport ang beach volleyball sa probinsya ug ang paglambo niini magpasabot nga mapalapad ang laray sa mga mapalambong sports ug mahatagan ang mga lumulupyo ug dugang kapilian nga apilan.

 

Ang paglapad sa kapilian maghatag unya sa mga Agusanon ug laing sports nga maglikay kanila gikan sa mga bisyo, sumala pa sa kongresista pinaagi sa iyang representante sa maong okasyon. 

 

Dinhi gipaambit usab sa kongresista nga samtang nagsuporta siya sa mga inisyatiba sa bisan unsang sports,  daku sa iyang atensyon karon anaa pagpalambo sa dulang chess nga nagpadayon karon ug diin himoon ang turneyo sa mga munisipyo ug dayon sa level sa probinsya sa bulan sa Hunyo. 

 

Dugang ni Corvera nga ang pagpahigayon sa lungsod sa Tubay og sports event sama sa beach volleyball magmugna usab og mga kahigayonan aron mapalambo ang turismo sa lungsod ingon man sa probinsya.

 

Pinaagi ning maong beach volleyball tournament nakita ni  Corvera nga ubay-ubay unya ang mga bisita ang mangabot gikan sa silingang mga lungsod, apil na ang mga residente o dumadapig gikan sa mga lugar sa players nga apil sa tournament gikan sa Cebu, Davao ug Misamis Oriental. 

 

Kini, pasabot sa kongresista, mo-resulta sa ubay-ubay nga produkto ug serbisyo sa lungsod nga mahalin tungod sa turneyo, halin nga magmugna og dugang bahandi alang sa lokal nga ekonomiya. (Agusan del Norte 2ndCongressional District Office/PIA Agusan del Norte)

 

 

Posted by at