(PAGASA 24-HOUR PUBLIC WEATHER FORECAST as of Saturday, 22 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).


Monday, May 22, 2023

Mga batan-ong Higaunon sa Las Nieves nakatapos sa digital literacy training

LAS NIEVES, Agusan del Norte -- Gipangunahan sa Department of Education sa probinsya sa Agusan del Norte (DepEd-ADN) ang pag hanyag sa mga certificates of completion ngadto sa 20 ka mga batan-on sa tribung Higaunon gikan sa mga barangay sa Bokbokon ug Lawan-lawan sa Las Nieves.

 

Ang maong mga batan-on mi graduate sa 15 ka adlaw nga gipahigayong Digital Literacy Training (DLT) pinaagi sa Mobile Computer Literacy (MCL) program nga inisyatibo sa probinsiya sa Agusan del Norte ilalum sa pagdumala ni Gov. Maria Angelica Rosedell Amante.

 

Ang DLT-MCL program hugot nga gisuportahan sa lokal nga panggamhanan sa Las Nieves ug sa 23rd Infantry Battalion ilalum sa 402nd Infantry Brigade sa 4th Infantry Division sa Philippine Army.

 

“Sa atong mga graduates, dili lang ta taman sa pagpangandoy kundi ato usab kining planohan ug aksyonan para ato kining makab-ot,” matud pa ni Dr. Emma Sudario, ang assistant schools division superintendent sa DepEd-ADN atol sa gipahigayong graduation ceremony niadtong Mayo 16, didto sa Barangay Lawan-lawan. 

 

“Ang Philippine Army kanunay musuporta sa mga programa alang sa kalinaw ug kalamboan sa katawhan,” sumala pa ni Maj. Samuel Maglinao, nga mirepresenta ni Lt. Col. Jeffrey Balingao, ang commanding officer sa 23rd IB.

 

Dugang pa ni Maj. Maglinao nga dako ang pasalamat sa kasundalohan sa pakig-abag sa panggamhanan sa pobinsya sa Agusan del Norte, LGU-Las Nieves, ug DepEd-ADN para sa katumanan sa MCL.

 

Ang MCL suportado usab ni Mayor Karen Rosales subay sa iyang executive agenda nga mapalawig ang kapas sa katawhan sa Las Nieves pinaagi sa skills development trainings. 

 

“Hinaut nga pahimoslan ug ampingan ninyo ang inyong nakat-onan kay dako kinig ikatabang sa inyong paglambo,” matud pa ni Michael Mandahinog, ang representante ni Mayor Karen atol sa graduation ceremony.

 

Ang DLT gihimo pinaagi sa Alternative Learning System (ALS) ang implementing arm sa DepEd para sa paghatag og edukasyon sa mga out-of-school youth and adults sa tanang hut-ong sa katilingban. Ang tinguha sa panggamhanan mao nga mahimong National Certificate II holders ang mga graduates sa MCL.

 

Nagpadayag usab sa ilang pasalamat ang mga partisipante sa oppurtunidad nga gihatag kanila. “Nagpasalamat ko kay Mayor Karen, sa DepEd ug sa Army kay natagaan mi ug higayon nga makatoon sa basics sa computer,” sumala pa ni Melona Casing, ang usa sa mga graduates.

 

Mipakita usab og dakung suporta sa kalihokan sila si 2Lt. Andy Ledesma, ang CMO officer sa 23rd IB ug si PFC Ellafaz Signar.

 

Mitambong usab sila Dr. Reyfrocina Abao, ang CID chief; Glorina Siclon, ang SGOD chief; Josephine Chone Obsenaries, ang regional office ALS focal; Nilo Verdon, Division ALS focal person; Danilo Bajao, PSDS sa Las Nieves 3rd District; ug Bernadita Moreno, PSDS sa Buenavista 4th District. (LGU Las Nieves/PIA Agusan del Norte)