(PAGASA 24-HOUR PUBLIC WEATHER FORECAST as of Friday, 02 June 2023) Southwest Monsoon affecting the country. ACTIVE TROPICAL CYCLONE AS OF 3:00 AM TODAY SEVERE TROPICAL STORM MAWAR {2302} (FORMERLY "BETTY") LOCATION: 945 KM NORTHEAST OF EXTREME NORTHERN LUZON (26.9°N, 128.3°E) MAXIMUM SUSTAINED WINDS: 95 KM/H GUSTINESS: UP TO 145 KM/H MOVEMENT: NORTHEASTWARD AT 25 KM/H FOR. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due Southwest Monsoon. Possible flash floods or landslides during severe thunderstorms. Moderate to Strong winds coming from South to Southwest will prevail with Moderate to Rough seas (1.2 to 2.8 meters).


Monday, May 22, 2023

Kapin 75M road project sa Brgy. Abilan, Buenavista sugdan na

DAKBAYAN SA BUTUAN -- Human sa gipahigayong usa ka Ground Breaking Ceremony, sugdan na ang pag-kongkreto sa kapin P75 milyones nga proyektong provincial road sa Barangay Abilan sa lungsod sa Buenavista, Agusan del Norte.

 

Ang maong proyektong matuman pinaagi sa hugot nga panghingusog nga mapundohan ang nasangpit nga proyekto ubos sa hiniusang liderato nila Provincial Governor Angelica Rosedell M. Amante, Congressman Dale B. Corvera ug Buenavista Mayor Joselito T. Roble.

 

“Daku gyud ang atong pagpasalamat kay Congressman Corvera. Sigurado gyud ko nga humanon ni kongresista ang pagsemento diri. Sure gyud ko ana. Ting submit na sila karon og projects and sure ko one time big time, apil gyud ni nga project” sumala pa ni Gob.  Amante.

 

Daku usab ang kalipay ni Amante sa nakita nga panaghiusa sa katawan ug lideres sa lungsod sa Buenavista timailhan nga paspas ang paglambo niini nga lungsod.

 

Ang kapin P75 milyones nga proyekto mokabat sa 2.1 kilometros ang kalay-on sa mahimong kalsada, 6.3 usab ang kalapdon ug 11inches ang kabag-on niini. Buhaton kini sulod sa 240 ka adlaw. Ang maong proyekto bunga kini sa saad sa duha ka dagkong lideres diin gi-aksyonan dayon kini sa pagpaningkamot ni Corvera nga makakuha og pundo gikan sa nasyonal.

 

“Saksi mo [Brgy. Abilan] kadtong pag anhi namo diri nila Gov. Angel ug Cong. Dale. One year ra gikan sa pagsaad, gihatag ni gobernador ug kongresista ang inyong maanindot nga dalan,” matud pa ni Mayor Roble.

 

“We are favored. Una pa lang ni sa daghan nga proyekto nga mosunod ang gipakita sa mga liderato sa paghatag og dakung suporta dinhi sa lungsod sa Buenavista. Hangyo lang ko nga ampingan lang nato ni, ” dugang ni Roble. (Karen Decamotan, PLGU Agusan del Norte/PIA Agusan del Norte)