(PAGASA 24-HOUR PUBLIC WEATHER FORECAST as of Saturday, 22 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).

Thursday, March 23, 2023

P640,000 nga abaca stripping machines, gi-turn-over sa Las Nieves

LAS NIEVES, Agusan del Norte -- Opisyal nga gi-turnover sa Department of Agrarian Reform sa Caraga (DAR-13) ang upat ka unit sa abaca stripping machines ngadto sa Bonifacio Agrarian Reform Cooperative (BARC).

Gipahigayon kini Lunes sa buntag, sa Barangay Bonifacio, Las Nieves.

Ang maong turnover ceremony gipangunahan nila Agusan del Norte Vice Governor, Enrico Corvera ug Mayor Karen Rosales.

Kauban usab nila si Atty. Merlita Capinpuyan, ang Provincial Director sa DAR-13.

Ang abaca stripping machines usa ka proyekto sa DAR ubos sa ilang Climate Resilient farm productivity support project (CRFPSP).

Ang isa ka unit sa maong ekwipo nagkantidad og Php 160,000 og mokabat sa Php 640,000 ang gipondo sa DAR alang sa upat ka bag-ong unit niini.


Tumong niini nga matabangan ang mga abaca farmers sa bonifacio isip isa sa dako nga abaca producers sa lungsod.


"Mao kini ang puhunan nga gihatag sa DAR sa taga Bonifacio,” pahayag ni RD Capinpuyan atol sa pagturn over sa mga stripping machines.

Nagpaabot usab si Mayor Karen sa iyang dakong pasalamat sa maong ahensya sa ilang suporta nga mapalig-on ang kapas sa mga abaca farmers sa pagproseso sa ilang produkto.

"Mao na kini ang atong higayon para mapapaspas ug mapanindot ang kalidad sa atong abacca products." Sumala kang Mayor Karen.

Dugang pa sa mayor nga andam ang lokal nga panggamhanan sa Las Nieves nga mutabang sa BARC para mas mapalig-on pa ang ilang organisasyon.

Isa kini sa iyang gitutukan ubos sa iyang farm mechanization agenda og pagpalig-on sa people's organizations sa lungsod.

"Among paningkamotan nga mapalambo ni among organisasyon pamaagi ani nga makinarya,” matud pa ni Luisito Lumantas, ang BARC Chairman.

Mitambong usab sa maong kalihokan si Sangguniang Panlalawigan member, Rodulfo Pitogo, isip representante ni Governor Angel Amante.

Anaa usab sila SP member Larry F. Bautista; Glenn Petilla, Provincial Agrarian Reform Program Officer II; ug Frederick Lumantas, ang Punong Barangay sa Bonifacio. (LGU Las Nieves, Agusan del Norte/PIA Agusan del Norte)