(PAGASA 24-HOUR PUBLIC WEATHER FORECAST as of Monday, 04 March 2024) Northeast Monsoon affecting Luzon. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur, will experience partly cloudy to cloudy skies with isolated rainshowers or thunderstorms due to Easterlies/Localized Thunderstorms. Possible flash floods or landslides during severe thunderstorms. Moderate to strong winds coming from Northeast to East will prevail with moderate to rough seas (1.2 to 2.8 meters).


Thursday, March 23, 2023

Angat Kabataan Hub pormal ng giabrihan sa Las Nieves

LAS NIEVES, Agusan del Norte -- Pormal nang giabrihan kaniadtong Martes ang Angat Kabataan Hub sa tulonghaan sa Las Nieves National High School (LNNHS). 

Gipangunahan ni Rev. Fr. Danny B. Arellano sa usa ka pag-ampo sa pagpasinaya sa Angat Kabataan Hub sa tulonghaan. 

Gipahigaon usab ang ribbon cutting alang sa pormal nga pag-abri sa maong hub nga gipangunhan ni Sanguniang Kabataan-Federated President sa Las Nieves, Arvin Rey F. Lagrosa kauban si Mark Ahldonn T. Nangcas, ang founder sa Angat Kabataan program ug inabagan nila ni LNNHS School Principal Mr. Jeho C. Rañin ug LNNHS Academic Head Analyn L. Yuting. 

Madasigon usab nakigduyog ang mga personahe sa Bureau of Fire Protection ug Philippine National Police sa munisipyo sa pagpanguna nila SFO3 Arniel P. Goloran ug PLT Aurel S. Lumasag sa maong okasyon, ug ingon man ang mga myembro sa School Governance Council sa LNNHS.

Usa sa mga highlights sa pag-abri sa hub mao ang parada nga naggikan sa LNNHS padulong sa Las Nieves Municipal Gymnasium asa gipahigiayon ang opisyal nga launcing sa Angat Kabataan program. 

Giila ug gipasidunggan usab atol sa launching ang mga mananaog nga atleta sa LNNHS sa bag-ohay lamang nahuman nga 2023 Division Athletic Meet didto sa lungsod sa Buenavista. 

Nanumpa usab atol sa okasyon ang mga napiling mga myembro sa LNNHS School Governance Council.

“Gusto nako nga ang mga batan-on sa Las Nieves mo excel. As early as now, inyo gayud na matun-an ang leadership skills ug mga skills sa usa ka responsible na indibidwal so that you will become leaders in the future,” matod pa ni Mayor Karen Rosales sa iyang mensahe sa maong okasyon.

Iyang gidugang nga duol sa iyang kasing kasing sa Department of Education, ang ahensiya nga maoy gitahasan sa panggamhanan nga magmugna og mga plano ug programa alang sa mga kabatan-onan.

Gipahigayon usab ang usa ka symposium asa mihatag si Mr. Nangcas og oryentasyon sa mga estudynate mahitungod sa kinatibuk-ang panglantaw sa pag-implementa sa Angat Kabataan program. 

Mipahigayon usab og usa ka lecture si Social Welfare Officer Marline A. Baloria, RSW sa Municipal Social Welfare and Development Office mahitungod sa isyu sa teenage preganancy ug ang mga angay buhaton aron malikay ang mga kabatan-onan sa risgo sa pagmabdos. 

Ang mga estudyante nga nanambong nakutlo usab og pagtulun-an sa input mahitungod sa mga balaudnon nga RA 7610, RA 11313, ug RA 11648 nga gihatag ni PCPL Sheryl Love Gean T. Naves.

Mipaambit usab pinaagi sa usa ka pre-recorded audio-visual presentation si Alumni President Myrna B. Libao mahitungod sa Sanguniang Kabataan Reform Act. 

Ang Angat Kabataan usa ka flagship program diin tumong niini ang mapalambo sa kabatan-onang Pilipino nga mahimong himsog, responsible, produktibo, ug adunay kahadlok sa Ginoo aron magbaton sila sa importante nga life skills ug mga hiyas sama sa pagkamaka-Diyos, Makatao, Makakalikasan, ug Makabansa. (Kim F. Labastilla, LGU Las Nieves, Agusan del Norte/PIA Agusan del Norte)