(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Thursday, September 22, 2022

Partnership sa pagpahiluna og suporta pagpalambo sa Industriya sa Abaca, giplastar sa probinsya sa Agusan del Norte

DAKBAYAN SA BUTUAN -- Gipahiluna sa Philippine Fiber Development Authority (PhilFida) sa Caraga ug sa buhatan ni Kongresista Dale B. Corvera sa 2nd Congressional District sa Agusan del Norte ang mga pamaagi aron hiniusang makasuporta sa mga panginahanglan sa pagpalambo sa industriya sa abaka sa probinysa sa Agusan del Norte.

Ang abaka usa sa mga priority crops nga nakitang naay dakung potensyal nga matampo pagpaangat sa ekonomiya sa probinysa ug apil sa mga priority commodities nga gipalambo ubos sa proyektong  Plant! Plant! Plant! sa AGUSAN UP!, ang kampanya sa pagpalambo ni Kongresista Corvera sa gobenador pa siya sa miaging tulo ka tuig ug giingon ni Gob. Ma. Angelica Rosedell M. Amante nga iyang ipadayon sa iyang termino.  

Usa sa nauyonan tali sa PhilFida, nga gipangunahan ni OIC Regional Director Samuel Nacino, ug sa buhatan ni Kongresista Corvera mao ang pagpahiluna sa gikinahanglang suporta sa probinsyal nga panggamhanan, ilabina sa seedling, alang sa gipunting nga 500 ektaryas nga matamnan o 550,000 ka seedlings matag tuig hangtud sa tuig 2027.

Apil usab sa nauyonan ang mga pamagi nga maka provide og seedlings alang sa kapin kon kulang 100,000 seedlings nga hinanaling gikinahanglan aron magamit sa pagpananum sa gatusan nga mahatagan og temporaryong trabaho ubos sa Tulong Panghapbuhay sa Disadvantaged/Displaced Workers (TUPAD) cash-for-work activity nga himoon sa bulan sa Oktubre.

Gipunting usab nga makatabang pagpabarug sa Abaca Processing Complex sa syudad sa Cabadbaran sulod sa maong higayon, usa sa mga core processing projects ubos sa proyektong Process! Process! Process! sa AGUSAN UP gihapon. (Mga hulagway kuha ni Nibika Calixtro ug Jenny Fabian/Hala Bira sa Kongreso)