(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Wednesday, August 31, 2022

Siyam ka miyembro sa NPA, mi-surrender sa Surigao Norte

GIGAQUIT, Surigao del Norte -- Kakapoy, kagutom ug pagkamingaw sa pamilya hinungdan nga siyam ka miyembro sa New People's Army o NPA ang midangop sa gobyerno ug mi-surrender sa kasundalohan sa 30th Infantry Battalion, Philippine Army lakip ang 16 ka lain-laing klase sa armas niadtong Agosto 12, 2022.

Uban sa tinguha nga mahiusa pag-usab sa ilang mga pamilya ug magpuyo pag-usab nga malinawon nga kinabuhi, mikontak sa 30IB Headquarters ubos sa pagpangulo ni Lieutenant Colonel (Lt. Col.) Jerold H. Jale ang siyam ka miyembro sa NPA nga giila nga sila si alyas Marmar, nga usa ka squad leader; alyas Nizel/Jimjim nga political guide ug medic sa grupo; alyas Jemrex ug alyas Degard nga puros vice team leaders sa maong squad; ug alyas Diane, alyas Joreden, ug alyas Cyrel isip mga sakop sa squad. Nasayran nga ang pito ka miyembro magkauban sa susamang platon sa Sandatahang Yunit Pangpropaganda (SYP16B), Guerilla Front 16 (GF16) sa North Eastern Mindanao Regional Committee (NEMRC). Duha ka sakop sa Sentro Degrabidad (SDG) sa NEMRC nga sila si alyas Larry, kini usa ka ordnance staff, ug alyas Fox nga usa ka elementong miyembro sa grupo ang ni-surrender usab sa estasyonan diin ilang gi-surrender ang ilang mga armas nga duha ka AK47 Rifle. 

Sa padayon nga pakighimamat sa 30IB ngadto sa mga kanhing sakop sa NPA human sa ilang pagbalik loob, ilang gi-surrender usab ang ubang mga armas sama sa usa ka M14 Rifle, tulo ka AK47 Rifles lakip na ang 10 ka magazine, tulo ka M16 Rifles nga adunay 10 ma tag-as nga mga magasin ug pito ka mugbong magazine, tulo ka M4 Rifle, duha ka M203 Grenade Launchers, usa ka Cal.22 Carbine, usa ka Pistol Grand Master, ug upat ka Bandolier.

Sa pakighinabi ni Lt. Col. Jale ngadto sa mga kanhing sakop sa NPA, ilang gibutyag ang rason nganong ilang gipili nga mosurender ug modawat sa hinabang nga ihatag sa gobyerno tungod kay wala silay makaon ug sa grabeng kalisod ug kakapoy nga ilang nasinati bunga sa sunod-sunod mga operasyon sa militar.

“Sa kadugayan sa among pakig bisog ug pakig gubat among namat-ungan nga walay padulngan ug amua rang gisilutan among kaugalingon," matud pa ni Alyas Marmar. 

“Sa nahitabong pag balik-loob sa mga kanhing miyembro sa NPA usa lang kini sa resulta sa Ending Local Communist Armed Conflict o mas nailhan nga ELCAC ug tungod usab sa padayon nga pagtinabangay ug kooperasyon sa mga komunidad, nawad-an sila og suporta ngadto sa mga masa ilabina sa mga lugar nga gilihokan sa mga NPA erya SYP16B. Sa pagkakaron, ang inyong kasundalohan sa 30IB nagpadayon sa pagtuman sa katungdanan niini aron makab-ot na nato ang kalinaw sa tibuok probinsya sa Surigao del Norte," matod pa ni Lt. Col. Jale.

"Sa laing bahin, among gidasig ang nahibiling mga sakop sa NPA nga mobalik ug maminaw sa panawagan sa ilang mga pamilya ug modawat sa tabang nga ihatag sa gobyerno, ang Enhanced Comprehensive Local Integration Program o ECLIP," dugang niini. 

Sa pagkakaron nagpadayon ang custodial debriefing sa siyam ka nagbalik-loob aron maproseso ang mga benipisyo sa ECLIP ug magamit sa ilang pagsugod pag-usab. (30th Infantry Battalion/PIA-Surigao del Norte)