(PAGASA 24-HOUR PUBLIC WEATHER FORECAST as of Friday, 23 September 2022) At 3:00 AM today, the Low Pressure Area (LPA) was estimated based on all available data at 1,265 km East of Central Luzon (17.7°N, 133.9°E). Southwest Monsoon affecting the western sections of Central and Southern Luzon. ACTIVE TROPICAL CYCLONE OUTSIDE PAR AS OF 3:00 AM TODAY TROPICAL DEPRESSION LOCATION: 1,775 KM EAST NORTHEAST OF EXTREME NORTHERN LUZON (25.5°N, 138.4°E) MAXIMUM SUSTAINED WINDS: 45 KM/H NEAR THE CENTER GUSTINESS: UP TO 55 KM/H MOVEMENT: NORTHWESTWARD AT 25 KM/H . Place: SURIGAO DEL NORTE & DINAGAT ISLANDS Weather Condition: Partly cloudy to cloudy skies with isolated rainshowers or thunderstorms. Caused by: Southwest Monsoon / Localized Thunderstorms Impacts: Possible flash floods or landslides during severe thunderstorms FORECAST WIND & COASTAL WATER CONDITIONS: Place: SURIGAO DEL NORTE, SIARGAO ISLANDS & DINAGAT ISLANDS Wind Speed: Slight to Moderate Wind Direction: Southwest to West Coastal Waters: Slight to Moderate / (0.6 to 2.1 meters OVER SURIGAO CITY: Maximum Temperature: 02:00 PM Yesterday ------ 34.9°C Minimum Temperature: 02:00 AM Today ------- 23.6°C Maximum Relative Humidity: 02:00 AM Today --- 88% Minimum Relative Humidity: 02:00 PM Yesterday ---- 54% TIDES: (Courtesy of NAMRIA) High Tide: 07:45 AM Today = 1.1 m Low Tide: 04:31 PM Today = 0.1 m Sunrise: Today: 05:27 AM Sunset: Today: 05:34 PM



Wednesday, August 31, 2022

Tibuok grupo sa NPA sa Surigao Norte, nibiya sa armadong pakigbisog

GIGAQUIT, Surigao del Norte -- Mitahan ang tibuok grupo sa Sandatahang Yunit Pangpropaganda (SYP) 16B sa Guerilla Front16 (GF16) sa NorthEastern Mindanao Regional Committee sa NPA dala ang ilang nagkalain-laing tag-as nga kalibre sa armas sa 30th Infantry Battalion (30IB) Headquarters sa lungsod sa Gigaquit, Surigao del Norte kaniadtong Agosto 22, 2022.

Ang grupo naglakip nila ni Panie Hukman Jubasan alyas Alvin/Jimboy; Junas Lubang Morata alyas Bong; Merimi Cortes Manego alyas Odette; ug Lenie B. Mantawiran alyas Glay-glay, nga pulos miyembro sa SYP16B, GF16. Ang kagutom ug pagkamingaw sa ilang mga pamilya ug ang pinakusgan ug walay hunong nga operasyon sa 30IB maoy nag-unang rason sa ilang pagbalik-loob. 

Ang ilang pagbalik sa gobyerno malinawon nga gidawat ni Lieutenant Colonel (Lt. Col.) Jerold H Jale, ang lider sa 30IB kinsa mihatag dayon sa tukmang panahon nga makauban ang ilang tagsa-tagsa ka pamilya samtang nangandam sa mga dokumento aron makadawat ug hinanaling tabang pinansyal ubos sa Enhance Comprehensive Local Integration Program o E-CLIP sa gobyerno.

Kauban sa ilang pagbalik-loob mao ang pagtahan sa ilang mga armas ug ang pagbutyag sa lokasyon diin ilang gitagoan ang nahabilin nilang armas sa dapit sa Huwat Baboy, Brgy Jubgan, San Francisco ug dapit sa Brgy Cagtinae, Malimono. Lima ka M16 Rifle, unom ka M4 Rifle, usa ka M203 grenade launcher, usa ka R4 Rifle, usa ka AK47 Rifle, ug usa ka Galil Rifle. Gawas sa mga tag-as nga armas, gi-surrender usab nila ang uban pa nilang kahimanan sa gubat sama sa mga magazine nga adunay gidaghanon nga 57, nagkalain-laing klase sa bala, illegal explosive device (IED), usa ka binocular, bandila sa New People's Army (NPA), personal equipment ug mga subersibong dokumento sa NPA.

Ang pagbalik-loob ni alyas Jimboy, alyas Bong, alyas Odette, ug alyas Glai-Glai maoy hinungdan nga hingpit nga nabungkag ang grupo sa SYP 16B sa GF16 tungod kay kung atong mahinumdoman kaniadtong Agosto 12, siyam sa ilang mga kauban ang nahiuna na sa pagbalik-loob bitbit ang 16 nga tag-as sa kalibre sa armas.

Matod ni alyas Alvin/Jimboy, mapasalamaton siya sa kasundaluhan sa 30IB nga abi nilag pasakitan sila apan girespito ug giatiman hinuon sila sama sa usa ka igsuon.

“Nagapasalamat ko sa 30IB ilabi na sa ilang Batcom kay gidawat mi nila isip usa ka igsuon ug wala mi pasakiti. Ilang girespeto ang among tawhanong katungod ug desiyon sa pagbalik sa sabakan sa gobyerno," dugang niya. 

Gipahibalo usab ni Lt.Col Jerold H. Jale nga ang ilang pagbalik-loob usa ka kadaogan dili lang sa militar kon dili lakip na sa mga lokal nga kagamhanan ug mga lomolopyo sa probinsiya sa Surigao del Norte.

“Ang pagbalik sa sabakan sa gobyerno sa tibuok pwersa sa SYP16B usa ka makasaysayanong kadaugan sa matag ahensya sa gobyerno dinhi sa probinsya sa Surigao del Norte. Resulta usab kini sa padayon nga kolaborasyon ug kooperasyon gikan sa mga lungsuranon. Magmaloomon usab kita sa atong tinguha nga makab-ot nato ang hingpit nga kalinaw og kalamboan.” pagsaysay ni Lt. Col. Jale.

Sa pagkakaron, ang mga personahi sa NPA padayon pa nga gipailawom sa oryentasyon alang sa ilang pagpa-enrol sa E-CLIP.  (30th Infantry Battalion/PIA-Surigao del Norte)