Popcom nagpasabot sa pagbalhin sa programa sa LGUs
DAKBAYAN SA BUTUAN -- Ang Commission on Population and Development Caraga Region nagpasabot sa mga Local Chief Executives sa Siargao Island ug Surigao del Sur sa lokalisasyon sa Philippine Population and Development Program o PPDP thrusts and directions 2022-2028 pinaagi sa Devolution Transition Plan sa POPCOM nga aprobado sa Department of Budget and Management.
Ang POPCOM naghangyo sa mga opisyal sa lokal nga kagamhanan nga dugangan ang pundo para sa Family Planning, Population and Development, ug programa sa kaayuhan sa children ug adolescent gikan sa nadawat nga National Tax Allocation sa mga LGUs pinasikad sa Department of Budget and Management Local Budget Memorandum No. 82.
Si Rosalia G. Climaco, Assistant Regional Director sa POPCOM Caraga, ug May Ann O. Escobal, Information Officer I, gi presenta sa mga Mayor, Vice Mayor ug mga myembro sa Sanguniang Bayan sa San Isidro ug General Luna ang DTP sa POPCOM pinasikad sa Executive Order (EO) 138 ug Implementing Rules and Regulations niini. Giadtuan usab nila ang Dapa, Burgos, Santa Monica, ug San Benito aron ipasabot ang POPCOM Devolution Transition Plan sa mga lider sa maong mga lokal nga kagamhanan.
Sa laing bahin, si POPCOM Caraga Regional Director Alexander A. Makinano gibisita usab ang mga lokal nga kagamhanan sa San Miguel ug San Agustin, Surigao del Sur. Gi presentar ni RD Makinano sa Municipal Administrator sa San Miguel ang PPDP localization ug ang importansya sa paghimo ug Municipal Population and Development Office o MPDO base sa DBM-approved Devolution Transition Plan.
Malampuson usab ang pagbisita ni RD Makinano sa San Agustin, Surigao del Sur. Mapasalamaton si RD Makinano kang Honorable Mayor Nick Alameda sa pasalig niini nga pagendorso sa Sanguniang Bayan sa San Agustin nga gipangunahan ni Honorable Vice Mayor Alex De Guzman ang pag pasar sa ordinansa nga mag tukod ug Municipal Population and Development Office sa maong munisipyo.
Sa laing bahin, gibisita ni Nashville B. Pasaylo, Planning Officer II, ang lokal nga kagamhanan sa Cantilan, Surigao del Sur ug gi presenta kang Honorable Mayor Philip A. Pechay ug sa mga miyembro sa Sanguniang Bayan ang PPDP localization. (Gabrielle Paolo M. Mordeno, POPCOM Caraga/PIA Caraga)
