POPCOM gikombinsi mga LGUs sa lokalisasyon na programa
BUENAVISTA, Agusan del Norte -- Ang Commission on Population and
Development Caraga nagpasabot sa mga stratehiya sa lokalisasyon sa Philippine
Population and Development Program (PPDP) sa pagsunod sa giaprobahan nga POPCOM
Devolution Transition Plan (DTP) sa Department of Budget and Management (DBM)
sa mga local government units (LGUs) sa rehiyon sa Caraga.
Ang POPCOM Caraga nga gipangunahan ni Regional Director Alexander A. Makinano ug ang iyang mga senior staff nagpahigayon og orientasyon sa mga Local Chief Executives (LCEs) ug pahimatngon sa mga membro sa Sangguniang Panlalawigan, Sangguniang Panglungsod ug Sangguniang Bayan sa sesyon sa konseho sa lain-lain na probinsiya, siyudad ug munisipiyo sa rehiyon para suportahan ang program thrusts and direction sa PPDP sulod sa konteksto sa debulosyon ingon sa gimando sa Executive Order 138 ug ang IRR niini. Ang template sa ordinansa gi-endorso usab sa mga LGUs para sa pagtukod og opisina sa population and development sa matag LGUs.
Dugang pa, ang mga LCEs gigiyahan usab sa maong orientasyon og unsaon pag-abaga ang mga serbisyo sa population and development, Family planning services ug serbisyo para sa kaayohan sa mga bata ug mga kabatan-onan sugod 2022 sa kasamtangan nga debolusyon sa gimando na Supreme Court (SC) ruling sa petisyon sa Mandanas-Garcia.
Malaumon si RD Makinano nga ang mga giingong serbisyo hatagan og prayoridad ug makakuha ug dugang suporta ug pasalig gikan sa mga LCEs ug mga stakeholders. Gikutlo ni Director nga ang DBM Local Budget Memorandum (LBM) No. 82 naghatag og National Tax Allotment (NTA) nga gamiton sa pagpundo sa bug-os na debolusyon sa mga basic services para sa mga National Government Agencies (NGAs) nga adunay approved DTP.
Ang POPCOM usa sa mga NGAs nga adunay approved DTP sa DBM sa pagkakaron. (Dian Joy L. Martinez, POPCOM Caraga/PIA Caraga)
