Adolescent mothers nakadawat og financial nga assistance
DAKBAYAN SA BUTUAN -- Nakadawat og pinansyal nga assistance ang mga adolescent mothers ubos sa programa nga Social Protection Program for Adolescent Mothers and their Children sa Barangay Doongan Covered Court, ning syudad kaniadtong Hulyo 28.
Gihatagan og prayoridad sa programa ang mga batan ong inahan ug ilang mga anak aron mahatagan og suporta bisan paman sa ilang sitwasyon ug dunay access sa oportunidad sama na sa edukasyon, trainings, ug health nga mahimung tulay nga mapalambo ang ilang sitwasyon. 50 ka mga adolescent mothers gikan sa managlahing Barangay ang nakabenepisyo sa pinansyal nga tabang. Gihimung pilot testing ang Butuan ug Cabadbaran sa nasangpit nga programa.
Sa mensahe nga gipaabot ni Konsehal Cherry Mae Busa, Committee sa Family, Women, and Children's Welfare, gi-awhag niya ang mga adolescent mothers sa pagpadayon sa kinabuhi bisan paman sa sitwasyon. Gipahinumduman sab niini nga dili maundang ang kinabuhi tungod lamang kay duna silay anak gani mas kinahanglan pa nila maningkamot aron mapalambo nila ang ilang kinabuhi ug makab-ot ang ilang damgo.
Ang matag benepisyaryo makadawat og tag 500 pesos matag bulan. Duna silay icomply nga mga certificate nga nagpamatoud nga ni eskwela sila pag balik, duna silay gi apilan nga trainings, ug check up sa health center. Gawas sa 500 pesos, nakadawat sab og bugas, de lata ug tubig ang mga benepisyaryo.
Kauban sa Commission on Population and Development Caraga Region, ang City Population Office ang City Health Office, City Social Welfare and Development Office, PhilHealth, Technical Education and Skills Development Authority (TESDA), sa pagpatuman sa programa.
Molungtad ang programa hangtud Disyembre 2022. (Butuan City PIO/PIA Agusan del Norte)
