(PAGASA 24-HOUR PUBLIC WEATHER FORECAST as of Friday, 07 October 2022) Intertropical Convergence Zone (ITCZ) affecting Palawan, Visayas and Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Intertropical Convergence Zone (ITCZ) / Localized Thunderstorms. Possible flash floods or landslides during severe thunderstorms. Light to moderate winds coming from East to Northeast will prevail with slight to moderate seas / (0.6 to 2.1 meters).



Wednesday, April 27, 2022

Malukpanong IEC campaign aron mapugngan ang pagsulod sa bird flu, gihimo sa Agusan Norte

DAKBAYAN SA BUTUAN -- Isip tubag sa hulga sa Avian Influenza o bird flu, gitigum sa probinsya sa Agusan del Norte ang mga stakeholders sa poultry industry alang sa usa ka malukpanon nga information, education, and communication (IEC) campaign sa Butuan City.

Ang panagtigum, nga gipasiugdahan sa Provincial Veterinary (PVET) Office, gitambongan sa mga representante sa Municipal/City Veterinary ug Agriculture Offices sa matag lungsod, pipila ka barangay officials, ug poultry raisers nga duol sa marsh area didto sa lake mainit, lakip na ang pribadong kompaniya sa Pilmico, Bounty, San Miguel Foods, Inc. (SMFI).

Gipahigayon kini aron ma-improve ug mapalapdan pa ang kaalam sa mga poultry raisers nga nagbuhi sa manok, pato, langgam, ug uban pang susamang kahayopan, kalabot sa sanitation measure para ma mitigate ang problema ug malikayan ang bird flu lakip na ang African Swine Fever (ASF) sa probinsya.

Sa maong tigum naghisgot usab ang pribadong kompaniya og good practices diha sa biosecurity sa pagpadagan sa farm sa manok o tanang klase sa kahayopan. 

Usa sa gipaambit nga basic protocol mao ang pagkontrol sa paggawas og sulod sa farm, adunay lahi nga tao nga motutok mismo sa farm, ensaktong personal protective equipment ug adunay ensaktong distansya gikan sa kalsada. Lakip usab sa gihisgutan mao ang pagbulag sa animal raising zone, feed storage, administrative office, farmhouse, parking lot, ug uban pa. Sundon usab ang standards diha sa pag mintinar og kahinlo.

Sa maong kalihukan, gipadayag ni Hilda Ubos, barangay opisyal nga usa usab ka poultry raiser sa Santiago, nga mapasalamaton sila kang Governor Dale Corvera ning maong inisyatiba. Daghan ang ilang nakat-onan ug nga dili lang basta-basta magbuhi og mga kahayopan, kinahanglan sundon ang mga standard protocols.

Sigon usab ni Dr. Belen Aruelo, provincial veterinarian, nga padayon ang probinsya sa Agusan del Norte pagpadangat og mga preventive measures ilabina sa mga poultry raisers nga duol sa lake mainit aron mapugngan ang pagkuyanap sa virus.

Ang pagpahigayon og IEC sa Avian Influenza base sa Provincial Ordinance No. 560-2020 ug 413-2016. (Agusan Up/PIA-Agusan del Norte)