(PAGASA 24-HOUR PUBLIC WEATHER FORECAST as of Saturday, 28 May 2022) Intertropical Convergence Zone (ITCZ) affecting Mindanao. The entire Caraga region will have a Partly cloudy to cloudy skies with isolated rainshowers or thunderstorms caused by Localized Thunderstorms. Possible flash floods or landslides during severe thunderstorms. Light to moderate winds coming from South to Southwest will prevail with slight to moderate seas (0.6 to 2.1 meters).



Wednesday, April 27, 2022

Oryentasyon paghimo og monitoring sa kahimtang sa nutrisyon sa Agusan Norte, gihimo

DAKBAYAN SA BUTUAN -- Gipahigayon kagahapon ang oryentasyon sa himoong Monitoring and Evaluation of Local Level Plan Implementation (MELLPI) PRO sa mga Nutrition Action Officers sa probinsya sa Agusan del Norte.

Gihisgutan sa maong panagtigum ang tahas sa matag nutrition officer ubos sa MELLPI PRO sama sa staffing, lakip na ang papel sa matag nutrition committees, capacity development, resource generation, mobilization ug uban pa.

Ang MELLPI PRO usa ka updated nga kalihukan ug pamaagi sa pag monitor, evaluate, paghatod og serbisyong nutrisyon ilabina sa mga mabdos nga kababayen-an.

Niini, tahas sa Provincial Nutrition Council sa pagpanguna sa Provincial Social Welfare and Development Office (PSWDO) nga maoy mag monitor ug evaluate sa tanang programs ug uban pang aktibidades sa matag Municipal/City Nutrition Action Officers.

Sumala ni Vina Vargas, personahe sa National Nutrition Council (NNC) sa Department of Health (DOH), isip speaker sa maong panagtigum, usa sa tumong ning kalihukan nga mahimong zero malnutrition cases sa probinsya ingon man sa tibuok nasud pinaagi sa paghatod og mga nutrition programs sa komunidad. 

Gitambungan ang maong kalihukan sa mga Provincial Nutrition Committee members nga mao ang PLGU, Department of Interior and Local Government (DILG), Provincial-DOH, Provincial Budget Office, Provincial Planning and Development Office (PPDO), Provincial Veterinary (PVET), Provincial Agriculturist Office (PAO), Provincial Health Office (PHO).

Mitambong usab ang mga nutrition action officers ug mga coordinators sa matag munisipyo. (LGU-Agusan del Norte/PIA-Agusan del Norte)