POPCOM- Caraga gipalig-on ang lakang batok sa kakabos
BUENAVISTA, Agusan del Norte -- Ang Commission on Population and Development (POPCOM) – Caraga nagsaad sa pagpadayon sa dako ug halapad na kampanya sa tibuok rehiyon sa paghatag og gahum sa magtiayon ug indibidwal para makab-ot ang gitinguha niini nga kadaghanon ug lat-ang sa pagpanganak base sa ilahang kapasilidad.
Atol sa bag-ohay lang gipahigayon nga 1st Quarter Convergence team meeting, gibutyag ni POPCOM Caraga Director Alexander Makinano nga ang maong ahensiya nakadawat og Certificate of Appreciation isip pag-ila sa suporta ug pasalig sa ahensiya sa panahon sa EPAHP’s Capacity Building Activities sa tuig 2021. Dugang pa ni Director Makinano nga isip usa sa mga kaubang ahensya, and POPCOM Caraga naghatag og resource speakers alang sa paghisgot sa Responsible Parenthood and Family Planning sa panahon sa mga pagbansay nga gipahigayon sa EPAHP RPMO sa 2021 sa mga lainlaing community-based organizations (CBOs).
Ang maong panagtigom kansa quarterly nga aktibidad alang sa tanang EPAHP support, supply and demand nga mga kauban, nagtinguha sa pagpalig-on sa kolaborasyon tali sa mga kaubang ahensya sa EPAHP, pagbansay-bansay sa tanang gipatuman nga kalihokan sa EPAHP sa tuig 2021 ug paghatag ug pagtagad sa tanang mga isyu ug hagit nga nasinatian sa panahon sa pagpatuman niini. Dugang pa, tumong sa maong aktibidad ang pag ila sa mga bag-ong mga dapit sa kooperasyon para sa CY 2022 base sa mga gipakita nga mga pasalig sa gipirmahang Memorandum of Understanding (MOU). (Dian Joy L. Martinez, POPCOM-Caraga/PIA-Caraga)
