(PAGASA 24-HOUR PUBLIC WEATHER FORECAST as of Saturday, 28 May 2022) Intertropical Convergence Zone (ITCZ) affecting Mindanao. The entire Caraga region will have a Partly cloudy to cloudy skies with isolated rainshowers or thunderstorms caused by Localized Thunderstorms. Possible flash floods or landslides during severe thunderstorms. Light to moderate winds coming from South to Southwest will prevail with slight to moderate seas (0.6 to 2.1 meters).



Thursday, April 21, 2022

POPCOM Caraga mo-ayuda sa mga LGU

BUENAVISTA, Agusan del Norte -- Gi siguro sa Commission on Population and Development Caraga ang pasalig niini sa pagsuporta sa mga lokal nga panggamhanan sa pagpadayon sa mga serbisyo kalabot sa populasyon ug kalamboan sugod tuig 2022.

Makinano
Usa ka gatos nga mga partisipante gikan sa lainlain nga mga probinsya, syudad ug munisipyo sa Caraga ang naminaw sa pagpasabot ni Regional Director Alexander Makinano sa 2022-2028 Philippine Population and Development Program Thrusts and Directions.

Gipamahayag ni Director Makinano nga ang POPCOM magpadayun sa gimbuhaton niini, pinaagi sa pag butang sa nasyonal ug pang rehiyon na direksyon, pagduso, ug mga sumbanan sa serbisyo ug estratehiya sa POPDEV.

Ang POPCOM Caraga mutabang sa mga LGU sa paghatod sa mga modern family planning methods, sama sa Ligation, Vasectomy, ug Implant), capacity building, paghatag ug teknical na tabang, pag tabang sa demand generation, ug paghatag sa pinansyal ug logistikal na tabang alang sa mga 5th ug 6th class nga mga LGU, geographically isolated and disadvantaged areas o GIDAs, og civil society organizations o CSOs.

Ang Nutrition Action Office, Social Welfare ug Development Office, Sangguniang Kabataan, ug Agriculture Office, kauban ang Population ug Health Offices, gidasig ni Director Makinano nga iapil ang Responsible Parenthood and Family Planning ug Adolescent Health and Development sa ilang kasamtangan nga  mga programa.

Samtang si Janus Anthony Raganas, program manager sa RP-FP, gi orient ang mga partisipante sa pagdumala sa demand generation activities para sa RP-FP ug AHD ug unsa ang proseso sa reimbursement schemes. Si Nashville Pasaylo, planning officer sa POPCOM Caraga, gi presentar ang PPDP Institutionalization Process. Sa pagkakaron, ang mga Probinsya sa Dinagat Island, Agusan del Sur, syudad sa Bislig, Tandag, ug Cabadbaran ang nagpahayag sa ilang interes para sa PPDP localization. (Gabrielle Paolo M. Mordeno, POPCOM-Caraga/PIA-Caraga)