Educational assistance alang SK officials suportado sa SP AgNor
DAKBAYAN SA BUTUAN -- Sa ika-133rd sesyon regular sa Sangguniang Panlalawigan, gideklara niining balido ang Municipal Ordinance No. 005-2022 sa lungsod sa Nasipit nga maghatag og financial educational assistance sa 171 ka mga opisyales sa Sangguniang Kabataan elective man o appointive sa maong lungsod.
Kini tabang alang sa ilang pagpadayon sa pag eskwela ug pag suporta pinaagi sa paghatag og pundo isip abag sa ilang bayrunon sa tulonghaan.
Base sa Seksyon 6 sa nasangpit nga ordinansa, PhP2,000 pesos matag SK officials ngaa anaa sa high school level matag tuig ang ihatag sa munisipyo ug PhP5,00 pesos matag semester para sa mga anaa sa college level. Kini epektibo sa tuig 2023.
Ang pag-aproba niini pinaagi sa Sanggunian Resolution No.175-2022 nga gipangamahanan ni Bokal Rodulfo A. Pitogo. (LGU-Agusan del Norte/PIA-Agusan del Norte)
