Dugang tabang medikal para sa mga kabus sa AgNor, ilunsad sa LGU, DSWD
DAKBAYAN SA BUTUAN -- Aprobado sa Sangguniang Panlalawigan ang Sanggunian Resolution No. 157-2022 nga nagtugot kang Provincial Governor Dale B. Corvera sa pagpirma sa kasabutan sa ngalan sa Agusan del Norte Provincial Hospital tali sa Department of Social Welfare and Development (DSWD) para sa paghatag og credit line sa kantidad nga PhP300,000 isip tabang medikal sa mga takos nga mga kabus nga constituents sa probinsya.
Kini aron nga mapalig-on ang DSWD - Crisis Intervention Unit pinaagi sa paghatag og medikal nga tabang ngadto sa mga takos nga kabus nga mga miyembro sa katilingban. Ang DSWD Caraga nagpadayag sa ilang kaandam nga mobayad sa mga galastuhan nga nagasto sa mga kwalipikadong benepisyaryo.
Giila ug gipasalamatan sa DSWD Caraga ang paningkamot ug partisipasyon sa mga partners/intermediaries sa episyenteng paghatod sa mga serbisyo aron matubag ang mga panginahanglan sa mga kabus, kabus ug huyang nga populasyon.
Ang Agusan del Norte Provincial Hospital mipadayag sa ilang kaandam sa paghatag og credit line para sa DSWD Caraga aron madali ang serbisyo niini nga magamit sa mga kwalipikadong benepisyaryo, kinsa nanginahanglan/anaa sa krisis nga sitwasyon, diin makatabang ang ospital sa DSWD Caraga, sa pagpalambo ug pagpasiugda sa probisyon niini og social services ngadto sa mga tawo.
Gipalabang ang Sanggunian Resolution No. 157-2022 sa pagpanginahan ni Provincial Board Member Elizabeth Marie R. Calo, atol sa ika 131st regular session. (JOMellejor, LGU Agusan del Norte/PIA Agusan del Norte)
