Monday, March 14, 2022

AgNor LGU gi-regulate ang safety measures sa mga truck

DAKBAYAN SA BUTUAN -- Gi-aprubahan ug gi-deklara nga balido sa Sangguniang Panlalawigan ang Municipal Ordinance No. 156-2021, gikan sa lungsod sa Santiago, Agusan del Norte, nga nag-regulate sa safety measures sa tanang sakyanan nga nagkarga/nagdala og balas ug graba ug uban pang mga mineral nga materials niini, pinaagi sa Sanggunian Resolution No. 092-2022.

Base sa record sa kapulisan, nasuta sa Sangguniang Bayan sa Santiago nga nagkadaghan ang insidente sa pagkatagak sa mga bato, bato ug graba gikan sa paghakot sa mga trak nga maoy hinungdan sa mga aksidente nga miresulta sa pagkaangol sa mga tawo, mga sakyanan ug mga kabtangan.

Ubos sa Seksyon 1 sa maong ordinansa, sa pagpangamahan ni Sangguniang Bayan Member Sulpicio Dedumo, sa tanan nga mga sakyanan nga nagkarga/nagdala ug balas ug graba ug uban pa gidili ang mga mosunod: 

1. Bisan kinsang mga drayber/operator sa trak/salakyanan nga magmaneho/mag-operate ug magdala, maghakot og balas ug graba ug uban pa nga sama sa mineral nga mga materyales nga adunay gidaghanon nga labaw sa napulo ka metro kubiko o labaw pa sa minimum nga kapasidad sa trak (overloading) samtang moagi sa mga dalan sa munisipyo, ug mga dalan sa banrangay sulod sa teritoryo nga hurisdiksyon sa munisipyo sa Santiago; 

2. Dili mag tabon sa truck nga adunay karga nga sand and gravel samtang anaa sa pagbiyahe sulod sa lungsod gamit ang mga material apan dili limitado sa naylon, mga pukot, gaho nga plastik nga tabon o bisan unsang paagi nga gigamit sa pagtabon sa balas, graba sama sa uban pang mga mineral nga materyales gikan sa pagkahulog samtang ang sakyanan anaa sa pagbyahe. 

Ang nasangpit nga Municipal Ordinance subay sa Provincial Ordinance No. 452-2017, “An Ordinance Declaring Unlawful for Any Loaded Trailer  Truck and Hauler Track, or Carriage which Tailgate is not Securely Closed or which Backload is not safety covered from running along the Provincial Roads, National Highways Within the Province of Agusan del Norte, Providing Penalties Therefor and for Other Purposes”. 

Ang drayber/operator sa trak nga madakpan nga nakalapas silotan sa mosunod: responsibilidad sa driver/operator sa trak alang sa konkretong rehabilitation sa naguba nga dalan sa munisipyo ug mga barangay road tungod sa kaguba sa dalan hinungdan sa overloading sab alas ug graba; multa sa unang paglapas - PhP1,500; ikaduhang paglapas - PhP2,000; ikatulo ug sunod sunod nga paglapas - PhP2,500.

Gi-aprobahan ang maong ordinansa sa pagduso ni Provincial Board Member Erwin Dano, atol sa ika 126th Regular Session. (Jessica O. Mellejor, LGU-Agusan del Norte/PIA-Agusan del Norte)