(PAGASA 24-HOUR PUBLIC WEATHER FORECAST as of Thursday, 26 May 2022) Intertropical Convergence Zone (ITCZ) affecting the southern section of Mindanao. The entire Caraga region will have partly cloudy to cloudy skies with isolated rainshowers or thunderstorms caused by Localized Thunderstorms. Possible flash floods or landslides during severe thunderstorms. Light to moderate winds coming from East to Northeast will prevail with slight to moderate seas (0.6 to 2.1 meters).



Monday, March 14, 2022

P10.8-M alang Asiga River flood control project sa Santiago giaprobahan sa SP

DAKBAYAN SA BUTUAN --  Gi-aprobahan sa Sangguniang Panlalawigan sa Agusan del Norte ang realignment sa mga pondo gikan sa lain-laing mga proyekto ubos sa General Fund sa probinsiya aron pondohan ang usa sa importanteng proyekto, ang rehabilitasyon sa Asiga River flood control project sa lungsod sa Santiago nga gi-endorso sa Provincial Development Council pinaagi sa PDC Execom Resolution No. 02, serye sa 2022.

Gihatagan ug prayoridad sa probinsiya ang Development Economic Programs, Projects and Activities (PPAs) base sa Eight-Point Agenda nga nakaangkla sa vision, mission, ug goals sa kasamtangang administrasyon. 

Gikuha ang mga pundo gikan sa tulo ka lain-laing mga proyekto ubos sa General Fund sa Probinsiya aron pondohan ang river flood control project nga mokabat sa kantidad nga PhP10,800,000.

Aron mapadali ang pagpatuman sa gitumbok nga prayoridad nga proyekto nga subay sa pagpauswag sa mga kapabilidad sa pagdumala sa LGUs alang sa paghatag sa mga batakang serbisyo ug pasilidad sa Probinsiya ilabina sa pagpugong sa baha, ang Committee on Finance and Appropriation sa pagpanguna ni Vice Governor Ramon A Bungabong nagrekomendar alang sa pag-aprobar sa maong realignment sa pondo, nga nahisubay sa mga probinsyon sa RA 7160, ug sa Implementing Rules and Regulations sa realignment sa pondo, ingon man sa Budget Operations Manual para sa mga LGU.

Ang rason ug merito sa gisugyot nga realignment balido subay sa giaprobahan nga Annual Investment Program (AIP) sa probinsiya. (Jessica O. Mellejor, LGU-Agusan del Norte/PIA-Agusan del Norte)