(PAGASA 24-HOUR PUBLIC WEATHER FORECAST as of Saturday, 28 May 2022) Intertropical Convergence Zone (ITCZ) affecting Mindanao. The entire Caraga region will have a Partly cloudy to cloudy skies with isolated rainshowers or thunderstorms caused by Localized Thunderstorms. Possible flash floods or landslides during severe thunderstorms. Light to moderate winds coming from South to Southwest will prevail with slight to moderate seas (0.6 to 2.1 meters).



Wednesday, 9 March 2022

Usa ka kooperatiba sa SurSur, nakadawat ug refrigerated van gikan sa DA-Caraga

CANTILAN, Surigao del Sur – Nasulbad ang kabalaka sa mga mangingisda nga sakop sa CarCanMadCarLan Agri-based Multipurpose Cooperative o CAMPCO nga nakabase sa Cantilan, Surigao del Sur nga madaut ang ilang produktong bangus human kini makadawat og usa ka “refrigerated van” nga gitunol kanila gikan sa Department of Agriculture (DA)-Caraga bag-ohay pa lamang.

Gipangunahan nila ni Regional Technical Director Nicandro M. Navia, Jr. ug Agribusiness and Marketing Assistance Division kon AMAD Chief Lyn PareƱas ang patugyan sa maong sakyanan ngadto sa kooperatiba pinaagi sa ilang manager nga si Dr. Christoper Buniel.

Ang maong refrigerated van nga nagkantidad ug PhP2.7 milyon gipundohan ilawom sa Enhanced Kadiwa ni Ani at Kita Inclusive Food Supply Chain, usa sa mga programa sa DA.

Matod pa ni Buniel, problema gayud nila ang pagpabilin sa kalidad sa ilang bangus gikan sa tinubdan ngadto sa merkado, apan  sa ilang nadawat gikan sa DA masiguro na ang maayong kalidad sa ilang produkto.

"Tungod niini mapasalamaton ug dako ang grupo sa programa nga gipatuman pinaagi sa DA-AMAD ug sa DA-PRDP nga dakong tabang sa ilang operasyon ug makamugna usab kini ug dugang trabaho, sanglit magkinahanglan na sila ug dugang trabahante aron magpadagan ug magmentinar sa ilang nadawat nga refrigerated van," sumala ni Buniel.

Gawas sa maong refrigerated van, ang CAMPCO nakadawat usab ug marketing enterprise subproject gikan sa Department of Agriculture-Philippine Rural Development Project nga mao ang mga buhianan sa mga isda o fish cage. (DA-Caraga/PIA-Surigao del Sur)