Honorarium sa mga social workers sa probinsya gi-usbawan
DAKBAYAN SA BUTUAN -- Gi-usbawan ang honorarium sa mga Municipality/City Nutrition Action Officers ug Municipal/City Population Officers gikan sa Five Hundred Pesos (P500.00) ngadto sa Two Thousand Pesos (P2,000.00). \
Kini gi-aprobahan sa Sangguniang Panlalawigan ubos sa Provincial Ordinance No. 590-2021 sa pagpanginahan ni Provincial Board Member Elizabeth Marie R. Calo ug co-authors nga sila Hon. Nieva C. Famador ug Hon. Virgilio R. Escañias, Jr.
Ubos sa maong ordinansa makadawat usab ang Municipal/City Population Program Coordinator ug Municipal/City Nutrition Program Coordinators og honorarium nga One Thousand Pesos (P1,000.00) kada usa matag bulan.
Matod pa ni Board Member Elizabeth Marie R. Calo na maoy nanginahan sa maong Provincial Ordinance No. 414-2016, lima (5) ka tuig na ang nakalabay ang mga nasangpit nga M/CNAOs ug MPOs wala nakadawat bisan unsang pagtaas sa ilang binulan nga honorarium.
Sa pag ila sa ilang serbisyo ug mahinungdanon nga mga trabaho nga aktibo ug regular nga nagtuman sa ilang katungdanan, ang probinsiya sa Agusan del Norte nagpasiugda og mga paningkamot nga mahatagan sila og mga benepisyo nga nahiuyon sa mga patakaran sa nasyunal nga gobyerno.
Gi-aprobahan ang maong ordinansa sa pagpaningkamot ni Provincial Board Member Calo, tsirman sa Committee on Health and Nutrition kauban ang mga membro nga si Bokal Famador ug Bokal Escasiñas, Jr. atol sa ika 98th regular session. (Jessica O. Mellejor, LGU Agusan del Norte/PIA Agusan del Norte)
