(PAGASA 24-HOUR PUBLIC WEATHER FORECAST as of Friday, 24 September 2021) Easterlies affecting Luzon. Localized thunderstorms affecting Mindanao. ACTIVE TROPICAL CYCLONE OUTSIDE PAR AS OF 3:00 AM TODAY TROPICAL STORM MINDULLE (2116) LOCATION: 1,890 KM EAST OF SOUTHERN LUZON (14.2°N, 141.7°E) MAXIMUM SUSTAINED WINDS: 85 KM/H GUSTINESS: UP TO 105 KM/H MOVEMENT: WEST NORTHWEST AT 20 KM/H Caraga Region will have partly cloudy to cloudy skies with isolated rainshowers or thunderstorms due to Localized thunderstorms. Possible flash floods or landslides due to severe thunderstorms. Light to Moderate winds coming from Northeast to Northwest will prevail with Slight to Moderate seas/(0.6 to 2.1 meters).



Wednesday, August 25, 2021

P10 M igahin sa AgNor sa paggama sa Master Development Plan sa NANIE

DAKBAYAN SA BUTUAN -- Gahinan sa probinsya sa Agusan del Norte og P10 milyones alang sa paggama sa Master Development Plan sa Nasipit Agusan del Norte Industrial Estate (NANIE) aron mapasayon ang pag-promote niini, mapadali ang pagdani og developer o makakuha og mga locators ug makaarangkada na ang gipunting sa probinsya nga mahimong “Agri-Processing Center sa Caraga.”

Kini ang gikometer ni Gob. Dale B. Corvera atol sa meeting sa Agusan del Norte Special Economic Zone (ANSEZ) Board, niadtong Martes, Agosto 24, sa kapitolyo sa Agusan del Norte.

Sumala pa ni Gob. Corvera nga 20 ka tuig na ang nilabay human naproklama nga Special Economic Zone ang NANIE ug nakita sa gobernador nga dili mahimo nga kutob lang ni sa deklarasyon apan nanginahanglan kini og askyon.

Dugang ni Gob. Corvera nga sa iyang tan-aw ang master development plan ang kulang niini aron makalusad o maka take-off ang probinsya sa Agusan del Norte sa pagpatuman niini kaabag ang lungsod sa Nasipit ug ang Philippine Economic Zone Authority (PEZA) sa pagpangulo ni Director General Charito “Ching” Plaza.

“Ang economic zone sa akong nasabtan, is not up to declaration as special economic zone. Aduna pay daghan buhaton. Maona karon ato ning tabangan. Pasalamat ko kay nabuhi napod ning ANSEZ para duna na kitay guidance nga klaro,” dugang ni Gob. Corvera.

“Mao na nga ang province nag intervene na gyod. Ug aduna nami gi-create nga team ani to focus ani,” padayon sa gobernador.

Dugang sa gobernador nga inisyal pa lamang kini nga pundo ug pun-an kini kung makita sa Terms of Reference (TOR) kung makita nga kulang kini.

Mahinumdoman nga makanunayong gipursige ni Gob. Corvera sa mga lumilihuk sa kapitolyo nga himoong prayoridad sa paggahin og pundo ang mga kalihukan o proyekto nga moresulta sa pagkab-ot sa panglantaw niini nga mahimong “agri-industrial center sa Caraga”.

Kabahin usab ang NANIE sa mga prayoridad sa probinsya ubos sa AGUSAN UP!, ang kampanya sa pagpalambo sa administrasyon ni Gob. Corvera kaabag ang buhatan ni Kongw. Angel Amante-Matba. (Karen Kie Decamotan ug Sonny Montilla, LGU Agusan del Norte/PIA Agusan del Norte)