(PAGASA 24-HOUR PUBLIC WEATHER FORECAST as of Friday, 06 August 2021) Southwest Monsoon affecting the country. ACTIVE TROPICAL CYCLONES OUTSIDE PAR AS OF 3:00 AM TODAY TROPICAL STORM MIRINAE (FORMERLY GORIO) LOCATION: 975 KM NORTHEAST OF EXTREME NORTHERN LUZON (26.8°N, 130.2°E) MAXIMUM SUSTAINED WINDS: 75 KM/H NEAR THE CENTER GUSTINESS: UP TO 90 KM/H MOVEMENT: EASTWARD AT 15 KM/H TROPICAL STORM LUPIT LOCATION: 580 KM WEST NORTHWEST OF ITBAYAT, BATANES (24.3°N, 117.7°E) MAXIMUM SUSTAINED WINDS: 75 KM/H NEAR THE CENTER GUSTINESS: UP TO 90 KM/H MOVEMENT: NORTH NORTHEASTWARD SLOWLY SEVERE TROPICAL STORM NIDA LOCATION: 3045 KM NORTHEAST OF EXTREME NORTHERN LUZON (34.6°N, 148.7°E) MAXIMUM SUSTAINED WINDS: 65 KM/H NEAR THE CENTER GUSTINESS: UP TO 80 KM/H MOVEMENT: NORTH NORTHEASTWARD AT 20 KM/H TROPICAL DEPRESSION LOCATION: 1,795 KM NORTHEAST OF EXTREME NORTHERN LUZON (30.5°N, 136.2°E) MAXIMUM SUSTAINED WINDS: 45 KM/H NEAR THE CENTER GUSTINESS: UP TO 55 KM/H MOVEMENT: NORTHWESTWARD AT 20 KM/H Caraga Region will have Partly cloudy to cloudy skies with isolated rainshowers or thunderstorms due to Southwest Monsoon. Possible flash floods or landslides during severe thunderstorms. Light to Moderate winds coming from Southwest will prevail with Slight to Moderate seas / (0.6 to 2.1 meters).



Thursday, June 10, 2021

Probinsya ipahiluna nga maplastar ang pagpuyo sa mga residente sa mga sitio sa Brgy. Bangonay sa Jabonga

Ni LGU-Agusan del Norte

DAKBAYAN SA BUTUAN, Hunyo 10 -- Proteksyon. Yuta. Panginabuhian. 


Kini, kung sumahon, ang tulo ka problema nga gipaabot sa mga residente sa Sitios Mayoos, Tagbuaya, Madbad, Inajaw ug Apa-Apa sa Barangay Bangonay, Jabonga, Agusan del Norte ngadto kang Gob. Dale B. Corvera sa usa ka pulong-pulong nga gihimo niadtong Hunyo 3.  


Proteksyon batok sa mga rebelde o New People’s Army (NPA) ang ilang gihangyo sa kadagkuan sa kasundalohan ug sa gobernador, sumala pa kang Bae Nita sa Sitio Tagboaya.


Dugang ni Bae Nita nga sulod sa dugay ng higayon nga nasinati nila ang kagubot tungod sa mga rebelde nga mag sige og balik sa ilang lugar. Alang kaniya, halos dili siya makatulog og tungang gabii sa kahadlok ug mag-huna-huna sa mahimong buhaton sa NPA sa iyaha ug sa iyang pamilya. Naay mga higayon usab nga mag tago-tago sila tungod sa kahadlok nga patyon sila, dugang ni Bae Nita. Ug wala usab silay mahimo kung dili mo suporta na lang sa mga rebelde tungod sa kahadlok.

 

Tungod sa kagubot sa kabukiran naglisud sila sa ilang panginabuhian, sumpay ni Datu Francisco Porogoy. Tungod kay maglisud na silag atiman sa ilang uma, kasagaran sa ilang mga tanum nangadaut na ug ginakaon na lang sa mga mananap, dugang ni Datu Porogoy. Niini, naghangyo usab siya og trabaho alang sa mga lumulupyo sa ilang lugar.


Kalabot sa yuta, mihangyo si Datu Ronil Cago sa Sitio Inajaw nga matabangan sila sa gobyerno pagpahliuna sa luna aron maugbokan og mga balay sa ilang komunidad. 

Isip tubag, mi-komiter si Gob. Corvera nga tabangan sila sa probinsya nga ma-plastar ang ilang pamuyo. Niini, magpadangat ang gobernador og tabang sama sa material ug cash assistance ug paghimo og development plan sa luna nga napalit ni Kongw. Angel Amante-Matba para sa ilaha aron ma-plastar ug ma-develop kini. Gawas niini, maggahin usab og pundo ang probinsya alang sa land banking.


Sa panginabuhian nga bahin, motabang usab ang probinsya nga mapangitaan og trabaho ang mga lumad. Apan nanginahanglan usa kini sila og training adisir sila makatrabaho aron madugangan ang ilang kaalam sa laing skills ug mapahiluna kung asa sila angayan ipa-trabaho. 


Una na nga nagpadangat sa Technical Education and Skills Development Authority (TESDA) sa pagpangulo ni Provincial Director Rey Cueva og kasamtangang nagpadayon ang mga pagbansay sa lugar. 


Nakita usab sa gobernador ang mga gubang dalan sa pag-adto niya sa Bolo-Bolo, Barangay San Vicente ug dihadiha gimando niya ang pag-aksyon niini pinaagi sa buhatan sa Provincial Engineering.


Nagpasalamat usab si Gob. Corvera nga gipadayag ang maong mga concerns sa mga lideres sa nahisgutang mga komunidad. 


Gipadayag sa gobernador nga ang nasangpit nga mga problema nanginahanglan og aksyon sa gobyerno, apil na sa kasundalohan. Apan, iyang pasabot, mas labing nanginahanglan kini sa kooperasyon sa komunidad.  


“Kini nga mga problemaha, dili masulbad kung ang gobyerno ug sundalo lang ang mag lihuk,” pahayag ni Gob. Corvera.


Dugang sa gobernador nga “Dili ni tanan makab-ot sa atong Mayor, kapitan ubos sa ilang leadership nga ma-clear ang insurgency sa Bangonay kung dili mo mohatag sa inyong tinuoray nga kooperasyon. Mo ingon ko ninyo nga dili diha-diha nga matubag dayon (kini) pero ato ning tagaan og pagtagad, i-prioritize gyud nato ni.” 


Isip dason sa gipahayag ni Gob. Corvera, gipadayag ni LTC Aristotle F. Antonio sa 29th Infantry Battalion nga sa kanunay naa ra ang kasundalohan ug mihangyo siya sa mga lideres sa komunidad daling magpahibalo sa ilaha kung adunay mga aktibidades nga gibuhat ang mga walhong grupo sa ilang tagsa-tagsa ka lugar.


Sa iyang bahin, mapasalamaton si Mayor Montero kang Gob. Corvera tungod kay sumala pa niya nga ubos sa iyang liderato, kaabag si Kongw. Angel Amante-Matba, gitagaan gyod og pagtagad nga matabangan ang katawhan sa Jabonga.


Kauban usab sa maong pulong-pulong si LTC Richie Yatar, commander sa 2nd Provincial Mobile Force Company ingon man sila Provincial Administrator Gerry Joey Laurito ug Provincial Engineer Renato Corvera.


Usa sa prayoridad sa administrasyon ni Gob. Corvera ug Kongw. Angel Amante-Matba nga mahimong magmalinawon ang probinsya sa Agusan del Norte ug adtoon ang mga problemadong lugar aron mapadangatan og tabang. Kini tungod kay sumala pa sa gibalik-balik nga pahayag ni Gob. Corvera: “Walay kalambuan kung walay kalinaw ug walay kalinaw kung walay kalambuan.” (Karen DEcamotan, LGU Agusan del Norte/PIA Agusan del Norte)