(PAGASA 24-HOUR PUBLIC WEATHER FORECAST as of Wednesday, 25 May 2022) Intertropical Convergence Zone (ITCZ) affecting southern section of Mindanao. The entire Caraga region will experience Partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. Light winds coming from East to Northeast will prevail with slight seas (0.6 to 1.2 meters).



Thursday, June 10, 2021

319 migradwar sa mga pagbansay alang sa trabaho ug panginabuhian

Ni LGU Agusan del Norte

DAKBAYAN SA BUTUAN, Hunyo 10 -- Dili gyod babag ang kawad-on aron moangat ang kahimtang sa pagpuyo sa  matag usa, sumala pa ni Kongresista Angel Amante-Matba isip pagdasig sa 319 ka mga Agusanon nga migradwar sa mga skills training nga gipasiugdahan sa Technical Education and Skills Development Authority [TESDA]-ADN karong bag-o lamang.


“Dili gyod babag ang ka-pobrehon sa pag improbar sa usa ka tao. Buot pasabot naa rapud na sa ato... Pobre ta, okay. Pero di ta mo surrender sa atong kapobrehon, kinahanglan mo ambisyon pod ta,” sumala pa sa kongresista.


Sa 319 ka mga Agusanon nga migradwar niadtong Hunyo 4 sa Multi-Purpose Gym sa Bangonay, Jabonga, 75 kanila gikan sa Kitcharao, 94 gikan sa Jabonga ug 150 gikan sa Santiago.


Nahuman ang mga migradwar sa mosunod nga mga pagbansay: Hilot (Wellness Massage) NC II, Raise Organic Hogs Leading to Organic, Agriculture Production NC II, Produce Organic Fertilizer Leading to Organic Agriculture Production NC II, Produce Fertilizer Leading to Organic Agriculture Production NC II, Cookery NC II, Shield Metal Arc Welding (SMAW) NC II, Bread and Pastry NC II.

Giapod-apod usab sa mga migradwar sa maong okasyon ang mga toolkits.


Sa mensahe ni Gob. Dale B. Corvera, nga gipadangat pinaagi ni Provincial Administrator Gerry Joey Laurito, gihagit sa gobernador ang mga migradwar nga mahimong produktibo gamit ang ilang nakat-onan sa mga pagbansay ug ang mga tookkits nga gipadangat.


“Kini atong mga nakita karon nga mga butang (toolkits) ing-ana lang na siya kung di nato gamiton atong mga kamot, ang challenge ni Gob (Dale B. Corvera), himuon kini nga produktibo," sumala ni Laurito.


Dason usab ni TESDA Provincial Director Rey Cueva nga: “Mao na ang challenge namo sa inyo nga gamiton ninyo ang inyong skills, gamiton ni ninyo, inyong mga toolkits para maka trabaho, para maka income.”


Niini, mapasalamaton ang mga ni gradwar sa maong mga serbisyo sa gobyerno.

“Wala namo damha nga adunay dakong blessing nga gihatag sa amo mao ning mga toolkits... Daghan kaayong salamat sa ahensya sa gobyerno nga ning tabang sa among kapobrehon,” matud ni Hilda Ubos, usa sa ni gradwar sa Organic Agriculture Production NC II.


Apil sa mitambong sa maong gradwasyon sila si Jabonga Municipal Mayor Napoleon Montero ug mga opisyales sa Bangonay sa pagpanguna ni Barangay Kapitan Marvin Serrano.


Mitambong usab sila LTC Aristotle Antonio sa 29th Infantry Batallion ug PLt. Col. Ritchie Yatar sa Philippine National Police. (Shena Mae Pabia/Ydheil Zagado, LGU Agusan del Norte/PIA-Agusan del Norte)