(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Friday, June 25, 2021

Ekipo alang sa 'Beyond Rice' project sa RTR nagsugod na og pangabot

DAKBAYAN SA BUTUAN -- Nagsugod na og pagpangabot ning semanaha ang mga himan pangproseso sa “Beyond Rice,” ang core processing project sa lungsod sa RTR nga tabangan pagpahiluna sa mga tiggama og kakanin, sa Department of Trade and Industry (DTI), sa munisipyo ug sa probinsya ubos sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba.

Ang unang nangabot isip kabahin sa Shared Service Facilities (SSF) Project sa DTI mao ang mga himan sa pagluto sa kakanin – bibingka, puto, budbod, biko, uban pa. Kulang pa kini sa gas oven ug table top vacuum machine apan mangabot na kini sa bulan sa Hulyo.

Niini, gitakda nga magtigum ang mga stakeholders sa maong proyekto sa idakduhang seman sa Hulyo aron maplastar ang mosunod nga mga lakang.

Sa inisyal nga plano ipahiluna ubos sa proyektong “Beyond Rice” ang processing center sa kakanin daplin sa highway sa RTR nga magsilbi usab nga roadside rest stop diin maka-snack o makapabalot og baon o sinugatang kakanin ang mga biyahero sa Butuan, Cabadbaran, Surigao ug ubang dapit sa Caraga ingon man sa motabok sa Lipata sa Surigao ngadto na sa Visayas ug Luzon.

Magsilbi usab nga tigtumod ang proyekto sa mga inadlaw-adlaw nga stock sa kakanin sa mga kan-anan sa Butuan, Cabadbaran, Surigao ug ubang mga lungsod sa Caraga.

Apil usab sa ipahiluna sa proyekto mao ang paggama og rice wine ug beer.

Tumong sa proyekto nga makamugna ang mga mag-uuma sa humay sa RTR og lain pang mga produkto gikan sa bugas niini mismo alang sa dugang kita.  

Mahinumdoman nga gihimo ang kakanin cooking contest sa RTR sa miaging tuig aron motumaw ang labing maayong pagkaluto nga maangayan merkado. Gisundan kini sa tasting nga gihimo atol sa 54th Araw nga Agusan del Norte niadtong Hunyo 17. Kabahin kini sa proseso sa product development nga padayong himoon sa mosunod nga mga adlaw. (Agusan Up/PIA Agusan del Norte)