(PAGASA 24-HOUR PUBLIC WEATHER FORECAST as of Friday, 07 October 2022) Intertropical Convergence Zone (ITCZ) affecting Palawan, Visayas and Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Intertropical Convergence Zone (ITCZ) / Localized Thunderstorms. Possible flash floods or landslides during severe thunderstorms. Light to moderate winds coming from East to Northeast will prevail with slight to moderate seas / (0.6 to 2.1 meters).



Friday, June 25, 2021

NPA nanunog ng construction equipment; Lanuza MPS, Police Mobile Force Company Patrol Base sabay na pinapaputukan

By: Greg Tataro Jr.

LUNGSOD NG TANDAG, Surigao del Sur -- Tuwirang kinumpirma ni Surigao del Sur Police Provincial Office (SDS-PPO) Provincial Director (PD) Col. James Goforth na mistulang nagpakita na naman ng pangil ang komunistang  teroristang grupo sa Surigao del Sur kagabi, Hunyo 24.

Caraga Pulis PIO

Ito ay sa pamamagitan ng ginawang panununog ng construction equipment at pagpapaputok sa Lanuza Municipal Police Station (LMPS) pati sa patrol base ng 2nd Surigao del Sur Police Mobile Force Company sa parehong lugar.

Ani Goforth, ang insidente ng karahasan ay nangyari nang sabayan dakong alas 9:00 ng gabi kagabi.

Ang mga sinilabang gamit pangkonstruksiyon ng MR1 Construction ay napag-alamang pag-aari ng isang nagngangalang Paulo Lopez at matatagpuan sa bulubunduking bahagi ng bayan ng Lanuza, 43 km hilaga ng Tandag City.

Gayunman, ayon sa police director, bigong magapi ang police station pati ang patrol base.  Wala rin aniyang napahamak sa panig ng pamahalaan.

Samantala, agad namang inalerto ang lahat ng mga karatig-police station at inatasang magsagawa ng kaukulang checkpoints sa pakikipag-ugnayan sa army counterparts.

Dagdag nito ay pinabubusisi rin ang mga pagamutan at clinics sa hinalang may naisugod na pasyente resulta ng pakikipagbakbakan ng mga tropa ng gobyerno bunsod ng pangyayari. (Greg Tataro, Jr., DXJS RP-Tandag/PIA-Surigao del Sur)