(PAGASA 24-HOUR PUBLIC WEATHER FORECAST as of Wednesday, 09 July 2025) The Southwest Monsoon (Habagat) continues to affect Mindanao. FORECAST: The Zamboanga Peninsula will experience cloudy skies with scattered rain showers and thunderstorms due to the Southwest Monsoon. These conditions may lead to possible flash floods or landslides, especially during moderate to occasionally heavy rainfall. The rest of Mindanao will have partly cloudy to cloudy skies with isolated rain showers or thunderstorms also influenced by the Southwest Monsoon. Winds will be light to moderate from the southwest, with slight to moderate seas (wave height between 0.6 to 2.1 meters).


Cebuano News: 7 ka lungsod ug dakbayan sa Cabadbaran buboan og proyekto sa PDRRMO

Ni Ronnie P. Gerona

BUTUAN CITY, Abril 17 (PIA) - Mokabat ngadto sa 11 milyones kapin ka pesos ang gigahin sa panggamhanang probinsya sa Agusan del Norte ngadto sa 7 ka lungsod sa Tubay, Las Nieves, Magallanes, Carmen, Kitcharao, RTR, Nasipit ug dakbayan sa Cabadbaran para sa proyektong imprastraktura ug rehabilitasyon sa maong lungsod sa syudad.
       
Pinaagi sa sulat-hanyo nga giduso ni Gobernador Ma. Angelica Rosedell Amante-Matba pinetsahan adtong Marso 3, 2014 naghangyo sa Sangguniang Panlalawigan sa pagpanguna ni Bise Gobernador RamBu Bungabong nga aprobahan ang mga dinaliang proyekto nga gihangyo sa nasangpit nga mga lungsod sa syudad.
       
Matod pa sa maong sulat-hangyo ni Gobernador Angel ang maong pundo nagagikan sa singko (5) porsyento nga Local Disaster Risk Reduction and Management Calamity Fund. Kahibaloan nga ang naasoyng 11 milyones kapin ka pesos nga pundo gikan sa nasangpit nga mga minisipyo ug syudad.
       
Gibahin-bahin ang mga kapin 11 milyones ka pesos sa musunod: Tubay, P3,500,000.00, Las Nieves P185,000.00, Magallanes P1,800,000.00, Carmen P1,525,000.00, Kitcharao P1,022,500.00, RTR P25,000.00, Nasipit P1,000,000.00 ug Cabadbaran P500,000.00. mokabat sa P9,557,500.00 ka pesos para sa imprastraktura laing P1,597,600.00 ka pesos sa rehabilitasyon sa agrikultura ug laing P253,000.00 ka pesos para sa livestock sector.
       

Sa walay langan giaprobahan ang maong sulat-hangyo sa gobernador sa 16th Sangguniang Panlalawigan pinaagi sa Provincial Resolution No. 053-2014 sa pagpangamahan ni Bise Goberbador Ramon A G. Bungabong kay nakita kini sa mga magbabalaod ning probinsya nga gikinahanglan ang nasangpit nga mga proyekto sa katawhan sa Agusan del Norte. (LGU-Agusan del Norte/PIA-Agusan del Norte)