DA, pinalalakas ang samahan ng magsasaka sa Surigao
Norte sa pamamagitan ng SAAD
By Susil D. Ragas
SURIGAO
CITY, Surigao del Norte (PIA) — Nagsagawa ang Department of Agriculture-Special
Area for Agricultural Development (DA-SAAD) National Program Management Office
(NPMO) sa ilalim ng component na Social Preparation (SocPrep), ng limang-araw
na rollout sa Bailan Farmer Entrepreneurs Association (BAFEA) sa Brgy. Bailan,
Santa Monica, Surigao del Norte,
Saklaw ng
SocPrep rollout ang pagdaraos ng mga capacity-building session para sa mga
kawani ng SAAD, partikular sa mga community development officers (CDOs), at
pagbisita sa mga magsasaka ng BAFEA bilang pilot beneficiary ng
aktibidad.
Pinangunahan
ito ni Marie Abigail G. dela Cruz, SAAD NPMO Social Preparation and Program
Management (SPPM) Sub-unit Lead kasama ang SPPM Sub-unit staff members na sina
Jacquelyn M. Rebusit at Engineer Meljun A. Florece.
Layunin
nito na kilalanin ang mga karanasan ng grupo simula nang sila ay maging
benepisyaryo ng SAAD at suriin ang mga hamon na kanilang kinaharap bilang mga
miyembro at opisyal ng kanilang asosasyon. Tiningnan din sa mga pagbisita ang
pagpapatupad ng patakaran ng grupo at ang pamamahala sa mga proyektong Goat at
Ube Production.
Ayon kay
Jekem D. Sanchez, senior agriculturist ng Research Division at SAAD Regional
Program Advisory Committee (RPAC) member, “Dapat seryosohin at alagaan ang mga
proyekto dahil malaki itong tulong upang makamit ang mga ninanais at plano para
sa pag-unlad ng grupo.”
Nagpaabot
naman ng kanyang mensahe si Ruel, isang miyembro ng nasabing grupo “Kami po ay masayang
nagpapasalamat sa DA at ating pangulong Ferdinand Marcos Jr. sa tulong at mga
programang aming natanggap para sa aming asosasyon, napakalaking tulong na ito
para sa aming pamilya.”
Dumalo sa
aktibidad si SAAD Regional Lead Nick Bryan Medina, kasama ang RPAC member na si
Engineer Claire P. Ilagan, chief ng Agricultural Program Coordinating Office
(APCO) sa Surigao del Norte; Santa Monica Municipal Agriculturist Louie Ville
O. Lerona; at iba pang kawani mula sa DA-SAAD. (SDR, PIA Surigao del Norte na
may ulat mula sa DA-SAAD)
