Nag-unang mga problema sa konunidad sa Dinagat Islands, gihisgutan sa komitiba sa peace and order, anti-drug abuse
DINAGAT ISLANDS - Atol sa gipahigayon nga ikaduhang kwarter nga joint meeting sa Dinagat Islands Provincial Peace and Order Council - Provincial Anti-drug Abuse Council (PPOC-PADAC), nga gipangunahan ni PPOC-PADAC Chairperson Nilo P. Demerey Jr., gobernador sa probinsya, nag-una sa mga nahisgutan mao ang kaso sa rape, paghipos sa mga la-aw nga iro o stray dogs, ug vehicular accident sa lugar.
Matud pa ni Gov. Demerey, "Daghan sa ato is vehicular accident. Second case is stray dogs. We will call all punong barangay kay naa man tay ordinansa nga hiktan ang mga iro. Dugang pa niini nga pila na ka instances sukad pa sauna nga ang cause sa vehicular accident kaning mga iro."
"Requesting all representatives to the mayors to reprimand punong barangays sa naasoy nga ordinansa," dugang pa sa gobernador.
Ikaduhang gituki ang kabahin sa kaso sa vehicular accident diin matud pa sa gobernador nga sa mga pyesta sagad mahitabo ang vehicular accident maong suhestyon niini ngadto sa mga kapulisan nga instead hapon mag checkpoint, magcheckpoint nalang og alas 10 sa gabie pataas kung asa ang pyesta, kay kung makita nga hubog o nakainom dili palahuson aron malikayan ang disgrasya.
Gipangusgan usab nga himoag policy ug executive order mao ang "those who are under the influence of liquor nga ma-involve sa accident, there will be no Medical Assistance for Indigent Patients (MAIP)," isip usa nga nakita nga lakang ni Demerey aron malikayan ang nagkadaghan na nga kaso sa vehicular accident sa probinsya.
Lakip sa hisgutanan mao ang kaso sa rape diin padayon sa gihapon nga gipanghingusgan sa panggamhanan sa probinsya inubanan sa mga miyembro sa konseho ang mga balaod ug lakang nga pagabuhaton sa mga indibidwal nga mubuhat og malaw-ay nga binuhatan ngadto sa mga kabataan nga maoy sagad biktima sa rape.
Atol sa maong panagtapok, malaumon si Demerey nga matuldukan na ni nga problema inubanan sa pagtinabangay sa mga membro sa konseho sa Dinagat Islands Provincial Peace and Order Council - Provincial Anti-drug Abuse Council (PPOC-PADAC). (PIO Dinagat Islands/PIA Dinagat Islands)
