300 ka benepisyaryo sa Las Nieves, nakadawat of payout gikan DA
LAS NIEVES, Agusan del Norte -- Mokabat sa 300 ka benepisyaryo gikan sa mga barangay sa M. Calo ug Rosario ang nakadawat sa ilang sweldo ubos sa programa sa Department of Agriculture nga Rice Resiliency Program (RRP) Project LAWA at BINHI, atol sa payout activity nga gipahigayon sa municipal gymnasium sa Las Nieves, Agusan del.Norte.
Ang matag benepisyaryo nakadawat og P7,700 isip bayad sa 20 ka adlaw nga trabaho, nga naglangkob sa mga aktibidad alang sa pagpanalipod sa kinaiyahan ug suporta sa sektor sa agrikultura.
Sa maong gidaghanon, 149 ang gikan sa Barangay Rosario ug 151 gikan sa Barangay Marcos Calo.
Ang RRP Project LAWA at BINHI (Project Local Adaptation to Water Access and Breaking Insufficiency through Nutritious Harvest for the Impoverished), usa ka programa sa gobyerno nga nagtumong sa paghatag og temporaryong panginabuhian samtang nag-awhag sa mga inisyatibo sa pagpanalipod sa yutang kabilin ug pagpasiugda sa malungtaron nga agrikultura sa mga kabaryohan. (Las Nieves Information Office/PIA Agusan del Norte)
