Honorarium sa BNS aprobado na
DAKBAYAN SA BUTUAN -- Makadawat na og P4,500 matag bulan ang mga barangay nutrition scholars (BNS) sa lungsod sa Buenavista human giaprobahan sa Sangguniang Panlalalwigan ang Municipal Ordinance No. 0012-2025 nga gipangamahanan ni Bise Mayor Ramon Alejandro G. Bungabong.
Ang maong honorarium gihatag isip pasalamat ug suporta sa mga BNS nga nagserbisyo ug naningkamot aron mapaayo ang kahimsog ug nutrisyon sa mga kabataan sa ilang barangay.
Giila sa mga opisyal sa maong lungsod ang dakong papel sa BNS diin sila maoy manguna sa pagmonitor sa mga programa sa nutrisyon sa barangay level ilabina sa mga bata ug apil usab sila sa mga kalihokan sa immunization, deworming ug vitamin supplementation.
Ang BNS program gitukod pinaagi sa Presidential Decree No. 1569 niadtong 1978 sa administrasyon ni Presidente Ferdinand E. Marcos Sr.
Ang lakang subay sa polisiya sa Executive Order No. 1569 nga nagpalig-on sa Barangay Nutrition Program ug sa local Government Code, nga nagtugot sa paghatg og honorarium sa mga barangay workers.
Base sa rekomendasyon sa Committee on Social Welfare, Population and Development diin tsirman si Larry F. Bautista ang nasangpit nga ordinansa naaprobahan pinaagi sa Sanggunian Resolution No. 157-2025 atol sa sesyon regular sa SP. (PLGU Agusan del Norte/PIA Agusan del Norte)
