Balayronon sa Buenavista Municipal Health Center giusbawan
BUENAVISTA, Agusan del Norte -- Giusbawan na sa lungsod sa Buenavista ang mga balayronon sa mga serbisyo sa Municipal Health Center niini ubos sa Municipal Ordinance No. 0004 - 2025.
Ang mga serbisyo sa maong health center mao ang hematology, blood chemistry, stool examination, immunology/serology/blood banking; urine examination; bacteriology; radiology; tooth extraction and certificates and permits.
Kini nga inisyatiba usa ka tubag sa nagkadako nga panginahanglan sa lungsod nga mapaayo ang serbisyo sa kahimsog, ilabina sa aspeto sa financial transparency ug organisadong koleksyon sa bayronon. Gilauman nga pinaagi niini, mas mapadali ang proseso sa pagbayad ug mas masabtan sa katawhan ang ilang kontribusyon sa serbisyo medikal.
Gawas pa niini, giusbawan usab ang renta sa yuta, gambalay, ekipo ug uban pang kabtangan sa lungsod pinaagi usab sa Municipal Ordinance No. 0005, series of 2025.
Ang nasangpit nga municipal ordinance gipanginahanan ni Sangguniang Bayan Member Lucia E. Jundis nga giaprobahan sa Sanggunian Panlalawigan pinaagi sa Sanggunian Resolution No. 094 ug 095-2025, ug gi-aprobahan sa Komitiba sa Ways and Means nga gipangulohan ni Provincial Board Member Francisco Y. Chan Jr., uban ang suporta nila Provincial Board Member Rodulfo A. Pitogo ug Provincial Board Member Erwin L. Dano. (PLGU Agusan del Norte/PIA Agusan del Norte)
