Pag-implementar sa Region-wide Simultaneous Anti-Criminality Law Enforcement Operations, miresulta sa 53 ka accomplishments sa Agusan Sur
AGUSAN DEL SUR -- Ang Agusan del Sur Police Provincial Office (ADSPPO) ubos sa pagdumala ni Police Colonel (PCol.) Yahya Bustamante Yusup, nagpadayon sa lig-on nga kampanya batok sa iligal nga droga, kriminalidad, ug uban pang ilegal nga aktibidades, na miresulta sa dakong kalampusan atol sa pag implementar sa Regionwide Simultaneous Anti-Criminality Law Enforcement Operations (SACLEO).
Sa gipatuman nga mga operasyon kontra droga, nakakompiska ang kapulisan og 68.52 gramos nga shabu nga nagkantidad og P465,936.
Kini resulta sa pito ka operasyon gamit ang search warrant ug upat (4) ka buy-bust operations, nga nagresulta sa pagkasikop sa 10 ka mga suspetsado.
Dugang pa, nakakompiska usab ang mga operatiba og lima ka gramos nga marijuana isip dugang nga lakang sa pagsumpo sa pagpakalat sa ginadili nga droga sa probinsya.
Gawas sa mga operasyon batok droga, ang kwerpo sa Agusan del Sur nakahimo og 17 ka Loose Firearms operations, nagpatuman og 11 ka search warrants, ug mitubag sa tulo (3) ka police responses, nga misangpot sa tulo ka mga misurender, ug 10 ka dugang nga mga nadakpan.
Sa kampanya batok sa mga wanted nga kriminal, nakasikop ang kapulisan og 11 ka most wanted persons, diin unom niini Other Wanted Persons, duha ka Regional Most Wanted Persons (MWP), ug tulo ka City/Municipal MWP.
Lakip sa operasyon sa kapulisan ang kampanya batok sa ilegal nga pangisda, diin lima ka operasyon ang nahimo. Nakit-an ug nasikop ang lima ka violators, ug nakakompiska og 10.80 kilogramos nga isda nga nagkantidad og P1,910.
Gipasalig sa ADSPPO ang padayon nga paningkamot aron mapadayon ang kalinaw ug kasigurohan sa publiko pinaagi sa mas lig-on nga operasyon batok sa mga kriminal ug nagpadayon nga pagpasiugda sa balaod. Ang maong kalampusan nagpakita sa dedikasyon ug pagbantay sa kapulisan aron mapadayon ang seguridad sa katawhan sa Agusan del Sur.
Gihangyo ang katawhan nga magpabiling mabinantayon ug mosuporta sa kapulisan pinaagi sa pagsumbong sa bisan unsang kahibalo sa illegal nga kalihokan. Pinaagi sa panaghiusa, mahimong mapalig-on ang kahapsay ug kalinaw sa tibook probinsya sa Agusan del Sur. (PRO13 Agusan del Sur Pulis/PIA Agusan del Sur)
