Joint committee meeting sa Disaster Prevention and Mitigation, Disaster Rehabilitation and Recovery sa Dinagat Islands, gipahigayon
DINAGAT ISLANDS - Agi'g pagpatuman sa matag tuig nga panagpulong sa mga opisyales ug miyembro sa Disaster Prevention and Mitigation and Disaster Rehabilitation and Recovery Committee (DPM-DRRC), malampuson nga bag-o lang gipahigayon ang 2025 1st quarter joint DPM-DRRC meeting sa Provincial Risk Reduction and Management Council nga gipangunahan ni PDRRM Officer Rosario Jra. R. Alon, didto sa Provincial Operation Center, Brgy. Sta. Cruz, San Jose.
Gituki ug nahisgutan ang Incentivizing Climate Disaster Risk Assessment (CDRA) - Compliant MLGUs, Acquisition of a Comprehensive Household Information System (CHIS) of a Single Drop for a Safe Water, Presentation of Seasonal Climate Outlook gikan February hangtod June ning kasamtangang tuig, Programming of 2025 LDRRMF - Special Trust Fund, Presentation of 2025 1st Semester DRRM - related Programs, Projects, and Activities, ug ang Program Prioritization for CY 2026 Annual Investment Plan.
Ang maong panagtigum gipangunahan ni Engr. Lord Iveen Maybuena isip representante ni Vice-chairperson Fe Consuelo Botanas sa Disaster Prevention and Mitigation, ug gitambungan sa mga miyembro sa komitiba sa Disaster Prevention and Mitigation and Disaster Rehabilitation and Recovery. (Alrose Pis-o, PIO PDI/PIA Dinagat Islands)
